Дарко Јаконов
Индија го пронајде вистинскиот приод против сообраќајната врева. Кога возачите ќе почнат да свират поради тоа што црвеното светло им се гледа предолго, семафорот не се менува.
Семафорите во индискиот град Мумбаи ја задржуваат црвената фаза подолго, кога возачите почнуваат да свират. Седмиот најмногу населен град во светот, со 20 милиони жители, се соочува со големи проблеми од вревата.
Возачите имаат стекнато навика да свират кога семафорот свети црвено, небаре на тој начин ќе постигнат за зеленото светло да се вклучи побрзо. За тоа да го спречат, властите поставија одбројувачи, кои покажуваат уште колку време останува до вклучувањето на зеленото светло. Оваа мерка не се покажа успешна, па сега се бара следното решение.
Во ноември и декември лани, на повеќе семафори беа поставени мерачи на силината на звукот. Кога вревата ќе надмине 85 децибели, семафорот продолжува да свети црвено. На профилот на полицијата во градот е објавена снимка што ја споредува ситуацијата пред и по воведувањето на оваа мерка. Кога возачите се свесни дека свирењето ја продолжува црвената фаза, владее мир.
Системот се тестираше на главните крстосници во градот во времетраење од петнаесетина минути. Во следните месеци, овој „пронајдок“ со семафори што се чувствителни на врева ќе се тестира и на останатите крстосници во мултимилионската метропола.
https://twitter.com/MumbaiPolice/status/1223090017397960705
The Punishing Signal in collaboration with Mumbai Police – #HonkResponsibly https://t.co/svg8GGEFwx pic.twitter.com/GTrjnB95H9
— jambo-ree (@jambo_ree_com) February 10, 2020
Honk if you like signs.
Wait… Don’t. Don’t honk, in fact please stop. Just stop!#HonkResponsibly pic.twitter.com/hYoLgQwn3i
— NYPD 19th Precinct (@NYPD19Pct) February 12, 2020
