Моторни масла од италијанската марка Lublan пристигаат како новитет во понудата на Оптикооп, фирма што претходно привлече внимание со маслата Kroon. Во напливот од масла со непотврдено потекло на пазарот, значаен факт е тоа што зад маслата Lublan стои увозник во когошто возачите имаат доверба веќе долги години. Од компанијата наведуваат дека новата марка масла е за најмалку 30% подостапна од досегашната понуда на квалитетни масла на нашиот пазар.
Моторно масло што е достапно по пониска цена, а притоа ги исполнува барањата за квалитет на најголемите производители на автомобили, тоа е голема вест меѓу возачите. Нашиот возен парк претежно го сочинуваат автомобили постари од 15 години, вклучувајќи и модели од повисоки класи и премиум марки. Меѓутоа, моторните масла од премиум марките се скапи и претставуваат голема ставка во трошоците за одржување на старите автомобили. Се бара нешто подостапно, но пак доволно квалитетно.
Во последните неколку години се создаде широк пазар со марки на моторни масла што ветуваат ист квалитет како премиум марките, но по значително пониски цени. Но, тоа повлече и нови проблеми. На пазарот често се среќаваат непознати марки масла со сомнителна спецификација, а секако дека постои и дистрибуција на фалсификувани моторни масла, чиешто користење може да доведе до сериозен дефект на моторот.
Маслата Lublan го покриваат ценовниот сегмент под холандските масла Kroon, со кои Оптикооп првпат го привлече вниманието во продажбата на моторни масла на нашиот пазар
Оптикооп направи добар потег кога стартуваше со холандските масла Kroon Oil, искористувајќи го своето име, коешто долги години е присутно меѓу возачите, меѓу другото и како увозник на резервни делови директно од добавувачите на автомобилската индустрија (делови за постари возила Optimal, спојки Sachs, ремени, црева и делови за подвозје Lemforder, амортизери Boge, плочки Bendix, итн).
Сега следи и дополнување на понудата со моторни масла во една ценовна класа подолу, но сé уште со висок квалитет, во поглед на API-стандардните за масла и сопствените норми на производителите на автомобили. Италијанските масла Lublan се производ на компанијата GL Oil со седиште во Нола.
Во производственото портфолио под марката Lublan влегуваат сите подрачја на моторни масла, од масла за автомобили, камиони и мотоцикли, преку масла за менувачи, масла за земјоделски машини, антифризи, течности за сопирачки до масти и индустриски средства за подмачкување. Производите се достапни во сите стандардни пакувања од 1, 4, 5, 20 и 200 литри, што значи дека освен за продажба на мало, компанијата ги покрива и сервисните работилници и самите фабрики.
Универзално полусинтетско масло што исполнува фабрички норми на Mercedes-Benz и Volkswagen, по дилерска цена од 162 денари за литар, тоа ќе одекне како гром на пазарот на масла во Македонија
Од 16-те производи на моторни масла за патнички автомобили, најголем удел во продажбата треба да постигне Lublan PCMO 10W-40, како универзално полусинтетско масло за бензински и дизел мотори, со или без турбонатполнење, со спецификација ACEA A3/B4, API SN/CF и фабрички норми MB 229.1 и VW 501.01/505.00. Според промотивниот дилерски ценовник, литар од ова масло чини 162 денари (без ДДВ), односно 148 денари за амбалажа од 20 литри.
За моторите со покомплициран систем за пречистување на издувните гасови е наменето синтетското масло со градација 5W-40 Eco, синтетско, за бензинци и дизели, API SN/CF, ACEA C3 и фабрички норми на VW, MB, BMW, Ford, Porsche, Renault и Fiar (промотивна дилерска цена 216 денари за литар).
Понудата ја комплетира синтетско масло Lublan PCMO 10W-60, наменето посебно за мотори со режим на високи вртежи и високо оптоварување, вклучувајќи и примена во мотоспортот (API SM-SN/CF, ACEA A3/B3/B4). Истиот сооднос цена-квалитет продолжува и кај маслата за автоматски менувачи (Lublan ATF DX II, промотивна дилерска цена 142 денари литар). Италијанскиот производител уверува во својата понуда и со маслата за CVT-менувачи и за менувачи со двојна спојка (DSG).
Со вклучувањето на италијанските моторни масла и средства за подмачкување од марката Lublan во својата понуда, покрај веќе познатите холандски масла Kroon (круна), Оптикооп е сосем веројатно дека за кусо време ќе прерасне и во еден од највлијателните центри за продажба на моторни масла.
Дел од понудата на Lublan на македонскиот пазар:
Име на производ |
Вид |
Цена за литар (во денари, промотивна дилерска цена) |
Моторно масло PCMO 10W-40 |
Универзално, полусинтетско, бензин и дизел, со и без турбо, API SN/CF |
162 |
Моторно масло PCMO 5W-40 eco |
Универзално, синтетско, бензин и дизел, со и без турбо, API SN/CF |
216 |
Моторно масло PCMO 10W-60 eco |
Целосно синтетско, за високо оптоварување и за мотоспорт, бензин и дизел, со и без турбо, API SN/CF |
222 |
Global ATF |
За автоматски менувачи и серво управување, универзално |
235 |
ABF DOT 4 |
За систем за сопирање |
234 (0,5 l) |
ACF Pure |
Концентрат за заштита од замрзнување |
160 |
Рано е за 1-ви Април: Shell продава универзално моторно масло
На ова треба да се внимава при изборот на моторното масло
Тест на моторни масла: Добрите масла не мора да се скапи!
Купувањето адитиви за масло е губење пари