Двокатните лондонски автобуси го одржуваат култот и во ерата на електричниот погон и на автономното возење. Morgan Motor пред неколку месеци го купи претпоследниот Routemaster што беше повлечен од сообраќај, со цел да го врати автобусот меѓу британската публика на неколкуте прослави што претстојат годинава.
Овој Routemaster е произведен пред точно половина век, исто како првиот Morgan Plus 8. Оваа легенда од лондонските улици оттогаш има минато повеќе од 1,5 милион милји или 2,4 милиони километри. Автобусот бил во редовен сообраќај цели 44 години, пред да биде повлечен на 9-ти декември 2005. Збогувањето било спектакуларно, со редици народ да го придружи заминувањето на автобусот од линијата број 159, од Марбл Арч до Брикстон.
Morgan Plus 8 ќе ја одбележува 50-годишнината заедно со Routemaster
Традиционалното конструирање и производство се главна одлика на марката Morgan. Во нивните возила уште може да се доживее духот на старите времиња, што е уште попривлечно во ерата кога автомобилите и мобилноста ја доживуваат најголемата трансформација досега.
Автобусот со ознака RML2759 во возниот парк поседува 7,7-литарски дизел од Iveco. Неговиот близнак и последен примерок што беше повлечен од сообраќај е изложен во Музејот на лондонските автобуси во Бруклендс.
Копија од Routemaster вози и по скопските улици, како ретро верзија на легендарните двокатни автобуси пред катастрофалниот земјотрес во македонската престолнина.
Morgan Aero GT во ексклузивна серија од осум примероци
Олдтајмер свеж од салон: Morgan AR Plus 4 за 65-годишнината
Легендарниот Morgan 3 Wheeler во изведба со погон на струја
Во посета на возниот парк на Џејмс Бонд во Лондон
Кафе како погонско гориво за лондонските автобуси
Комбето на Mercedes стана новото лондонско такси