Дарко Јаконов
Во првите девет месеци од годинава, на големиот германски пазар на автомобили се продадени близу 1.700 примероци од Mitsubishi Outlander PHEV. Со тоа, хибридниот теренец со надворешно полнење на батериите е најпродаван „електромобил“ во земјата.
Со 1.696 новорегистрирани возила во периодот од јануари до септември годинава, Mitsubishi Outlander PHEV е најпродаван автомобил со хибриден погон со надворешно полнење на батериите на германскиот пазар. Заедно со електромобилот Mitsubishi EV, обата модела на Mitsubishi достигнале продажба од близу 1.800 примероци во првите три квартали од годинава. Тоа е двојно повеќе во споредба со истиот период лани.
Во деветте месеци, на германскиот пазар се продале близу 15.000 електрични возила и плагин-хибриди, од кои 6.700 се плагин-хибриди и 8.100 се автомобили со погон само на струја, односно со помошен генератор на струја.
