Увозникот на Mitsubishi во Велика Британија ги предизвика своите дилери на креативност. Тие дизајнираат L200 по сопствена замисла, а публиката ќе гласа за најдобриот дизајн. Автомобилот на крај ќе биде изработен во реална верзија и ќе се појави на салонот во Бирмингем.
Дилерите на Mitsubishi во Велика Британија се натпреваруваат во дизајнирање. Тие уште во јануари добија задача од својот принципал да креираат сопствена изведба на пикапот L200, кој во меѓувреме се појавува во петтата генерација. Професионални дизајнери потоа ги пренесоа креациите од дилерите во дигитална форма.
Пет дизајни избрани за финале се натпреваруваат за најмногу допаѓања, коментари и споделувања
Денес, петте најдобри дизајни се објавени на профилите на Mitsubishi Motors UK на твитер, фејсбук и инстаграм. Пикапот што ќе освои најмногу гласови ќе биде прогласен за победник, а тоа ќе е знае веќе во следниот четврток, на 21-ви март.
Од победничкиот концепт ќе се изработи и уникатен примерок, кој на крајот ќе се појави пред публиката на салонот на автомобили НЕЦ во Бирмингем, од 30-ти април до 2-ри мај.
Веројатно и спектакл-мајсторите во нашиот Мак Аутостар веќе имаат дојдено на слична идеја. Но, кај нас веќе „по традиција“ не се одржува салон на автомобили. Ниту саем. Дизајнери, имаме. Во Mercedes.
Posted by Mitsubishi Motors in the UK on Monday, March 11, 2019
Posted by Mitsubishi Motors in the UK on Tuesday, March 12, 2019
Renault, Nissan и Mitsubishi стануваат рамноправни партнери
Mitsubishi го прикажува идниот Outlander во Женева?
Eclipse Cross стартува со продажба: Сé од Mitsubishi, во едно
Mitsubishi Eclipse Cross со 80.000 продажби за една година
Македонска гордост на салонот во Женева: Славче Таневски и Mercedes CLA