за

Mini John Cooper Works GP е вистински големец на тркачката патека

Mini John Cooper Works GP
Mini John Cooper Works GP

Mini John Cooper Works GP досега се има појавено двапати, првиот пат во 2006, потоа во 2013 година, за сега да се врати во издание ограничено на 3.000 примероци. Единствено името на овој мини-болид е заедничко со претходниците.

Во моделското семејство на Mini, коешто е сé освен малечко, се знае дека ознаката John Cooper Works им припаѓа само на најсилните и најбрзите моделски изведби. Комбито Clubman и кросоверот Countryman во оваа верзија моментно располагаат со 306 КС и тоа е најмногу што Британците понудиле во сериски модел досега. Наспроти нив, „изворната“ каросериска изведба на Mini со три врати, во својата топ-изведба John Cooper Works испорачува „само“ 231 КС. За и најмалечкото Mini да вози со 306 КС, куќното одделение John Cooper Works подготви нова изведба со додаток GP, лимитирана на 3.000 примероци. Испораките ќе стартуваат во март.

Дволитарскиот твин-турбо суштински се разликува од оној во Mini John Cooper Works без додатокот GP. Главните промени: Зајакнато коленасто вратило со поголем пречник на главните лежишта, специјални клипови, клипници без чаури… секако дека се користи и нов турбополнач. Заради зголемениот притисок на натполнење, компресијата е смалена од 10,2 на 9,5.

„GP“ не е различно од класична подготовка на автомобил за трки, впрочем и името го навестува истото

Во стил на традиционалното „фризирање“ зголемени се вшмукувачките и издувните канали. Горивото исто така се впрскува под повисок притисок, под 350 бари. Од мајката BMW пристига Valvetronic за променлив од на вентилите, заедно со варијабилна работа на двете брегасти вратила. Картерот исто така е модифициран, за маслото да не се собира странично кога се вози со екстремни брзини во свијоци.

Избор од нашите содржини: Mini што вози 200 km на струја и неколку километри на бензин

New photo by Automedia MK / Google Photos

Максималниот вртежен момент од 450 Nm стои на располагање уште при 1.750 вртежи и останува на тоа ниво до 4.500 вртежи. Моќноста од 306 КС се поститнува меѓу 5.000 и 6.250 вртежи. Спринтот до темпо сто трае 5,2 секунди, крајната брзина изнесува 265 km/h.

Како што е ред кај возило што произлегува од највредни искуства во мотоспортот, соодветно е изведен и издувот, кој завршува со две издувни цевки со пречник од 90 милиметри, интегрирани во браникот

Во Mini John Cooper Works GP работи нов 8-степен Steptronic, кој е посебно дотеран за врвната моделска изведба. Механичката блокада на диференцијал што е интегрирана во автоматскиот менувач се грижи за правилна распределба на вртежниот момент меѓу предните тркала при возење во свијоци. Во екстремен случај може да се постигне блокада до 31 проценти.

New photo by Automedia MK / Google Photos

Значајни преправки се извршени и во самата каросериска структура, конкретно во подот. Под хаубата се забележува и попречна шипка што дополнително го скрутува кошот за мотор. Дотерувањето на подвозјето е резултат од обемни тестирања по Нордшлајфе. Трагата е проширена наспроти Mini JCW и каросеријата е спуштена за 10 милиметри. Амортизерите и пружините се посебни за GP, а со посебна изведба на лежиштата се постигнува и поголем „нагиб“ на предните тркала. Последново важи и за задната оска.

Возачот може да вклучи GP-програма, во којашто се одложува реакцијата на системите за стабилност, односно се дозволува повеќе простор за возачот со својата вештина да го стабилизира возилото или да провоцира лизгање по желба или потреба

Предните сопирачки клешти се изработени од алуминиум и со своите четири клипови гризат во дискови со димензии 360 х 30 mm. Стандардно во Mini John Cooper Works GP се вградуваат ковани алу-бандажи од 18 инчи, кои тежат под девет килограми, со гуми 225/35 R 18.

New photo by Automedia MK / Google Photos

Надворешниот изглед на GP се разликува по бројни детали од стандардниот JCW, кои се изведени првенствено заради подобрување на аеродинамичкиот баланс. Највпечатлив белег секако дека е големиот заден спојлер со двојна контура, заедно со проширувањата на крилата што се изработени од полимер зајакнат со карбонски влакна. Во посебна постапка, на предните крила се нанесува и бројот на возилото во серијата од 3.000 примероци.

New photo by Automedia MK / Google Photos

Целата серија е лакирана во ексклузивна „тркачки сива“ металик боја, со покрив и капи на ретровизорите во сребрена боја. Задната клупа е отстранена, исто како што е отстранет и добар дел од изолацијата, заради намалување на тежината.

Сите три генерации на Mini John Cooper Works GP
New photo by Automedia MK / Google Photos

View this post on Instagram

“Fast” is about to be redefined. Brace yourself for the new MINI John Cooper Works GP, the fastest yet. ⁠ ⁠ __ ⁠ MINI John Cooper Works GP*: Fuel consumption combined: 7.3 l/100 km, CO2 emissions combined: 167 g/km. *Model not yet available (pre-production). These figures are preliminary values and have not yet been confirmed. Subject to change. The values shown for fuel consumption and CO2 emissions are calculated in accordance with the measurement method prescribed in the European Regulation (EC) 715/2007 in the version applicable at the time of approval. The ranges shown take into consideration the differences in the wheel and tyres sizes selected. The values are already based on the new WLTP test cycle and have been translated back into NEDC-equivalent values for the purpose of comparison. For these models, different values to those shown here apply when calculating taxes and other vehicle-related duties that (also) focus on the CO2 emissions. Further information regarding the official fuel consumption and the official specific CO2 emissions of new passenger cars can be found in the "Leitfaden über Kraftstoffverbrauch, die CO2-Emissionen und den Stromverbrauch neuer Personenkraftwagen" [Guide to fuel consumption, CO2 emissions and energy consumption of new passenger cars], which is available free of charge from all points of sale, from DAT Deutsche Automobil Treuhand GmbH, Hellmuth-Hirth-Str. 1, 73760 Ostfildern, Germany, and from https://www.dat.de/co2/.⁠

A post shared by MINI (@mini) on

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Honda Civic 2020

Honda Civic е подготвена за новото моделско годиште

Калифорнија ќе дозволи само пет марки автомобили

Калифорнија ќе дозволи само пет марки автомобили