Во салоните на Mini деновиве пристигаат примероците од новото издание на Mini Insider, магазин што е посветен на марката и на посебниот лајфстајл што таа го посредува. Магазинот е отпечатен во 100.000 примероци, се дистрибуира ширум светот и достапен е на 20 јазици.
Кусо пред крајот на јули излезе од печат првото издание на новиот магазин Mini Insider. Неговите креатори го осмислија како магалог, односно како замена за каталозите што култната марка Mini обично ги печати за своите модели. Магазинот во иднина ќе се печати еднаш годишно.
За концептот и печатењето на магазинот на 62 страници е задолжена прочуената агенција Territory. Во првото издание насловено „XPLORER Issue“, авторите и фотографите направија репортажа на впечатливи локации низ светот, почнувајќи од Кејптаун до Портланд.
Главна тема е електричниот Mini Cooper SE, кој е фотографиран во Лисабон, во европската престолнина на животната средина за 2020 година. Сесијата е дело на фотографите Нуриа Вал и Коук Бартрина. Овие професионалци од сферата на социјалните мрежи го возеа електричниот Mini низ улиците на португалската престолнина и ги искусија предностите на погонот на струја. Покрај овие лајфстајл-теми што се читаат со внимание и уживање, Mini Insider прикажува уште бројни сцени од светот на марката.
Со внимание кон животната средина, магалогот е печатен на природна хартија манкен-полар од шведската фирма Arctic Paper.