за

Michelin затвора уште една фабрика поради намалена продажба

michelin лого ново
michelin лого ново

Само неколку денови по најавата за затворање на фабриката во германскиот Халштат, производителот на гуми Michelin го најавува и затворањето на една фабрика во Франција.

Производителот на гуми Michelin ќе ја затвори фабриката со 600 вработени во Рош сур Јон во западна Франција. На вработените им се нуди можност да продолжат со работа во друга фабрика на Michelin на територијата на земјата.

Погоните јужно од градот Нант се претпоставува дека ќе престанат со работа до крајот на 2020 година. Од компанијата известуваат дека последната инвестиција на групацијата, во вкупна висина од 70 милиони евра, не е доволна за фабриката да остане активна. Според соопштението, причината за овој потег се „отежнатите услови на пазарот за гуми за автомобили со високи перформанси во земјата и во странство.“

Michelin неодамна најави затворање на својата фабрика со околу 850 вработени во баварскиот град Халштат. Таму постепено ќе се скусува продукцијата до конечното затворање во почетокот на 2021 година.

Причина за тоа исто така е намалениот пазар, но и конкуренцијата од азиските производители.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Von Sir James - Eigenes Werk, CC-BY 4.0, https://commons.wikimedia.org/w/index.php?curid=65761703

Тркач од поранешна ДДР личи на Miura и користи народска техника

форд мида гранд моторс нова локација

Ford и Ми-Да Гранд Моторс на нова локација и со нова понуда