138
21 shares, 138 points

Пикапот е синоним за работно возило на вредни луѓе. Но, денес не постои вистина што не може да се преиначи. Mercedes X-Class пристига како прв пикап од премиум марка. Купувачите ќе плаќаат двојно за нивниот камионет да носи ѕвезда. И техниката е позајмена.

По најинтелигентната лимузина во светот и по крстосувачот што веројатно се увезува од друга планета, по E-Class и S-Class, следното што пристига од марката со сребрената ѕвезда е Mercedes X-Class. Светот го доби првиот пикап од премиум марка. Малостопанствениците, авантуристите, одржувачите на предаватели на илјадници метри, отсега ќе можат да уживаат во рмбачењето во автомобил што ги задоволува највисоките стандарди кои ги поставува автомобилското производство.

Премиум-марките можат да продадат што и да наумат

Секако дека Mercedes X-Class не е наменет за класичната клиентела на пикапи и „X“ сигурно не е знак дека ниту во марката не знаат што да прават со возилото. Со добра приказна, пикапот со сребрена ѕвезда ќе ги најде своите купувачи. Предноста на благородните марки е во тоа што денес можат на пазарот да понудат што било – и пазарот да прифати со одушевување.

X-Class го задржува дизајнот на студијата и на историските вредности на пикап возилата им додава квалитетна завршна изработка, поврзување со дигиталниот свет и напредни системи за асистенција.

Mercedes X-Class ќе биде S-Class меѓу пикапите

Може да се избира меѓу три различни моделски изведби, мотори со четири или шест цилиндри, погон назад или погон на сите тркала – постојан или со вклучување по потреба – мануелен менувач или седумстепен автоматик. На тоа се надоврзуваат две варијанти на кожени седишта, три различни дизајни на украсните панели во кокпитот, како и понуда на најразличен прибор. Mercedes X-Class може да се приспособи по желба како никој друг пикап досега.

https://www.facebook.com/MercedesBenz/videos/10155553295191670/

Mercedes X-Class е последниот плод од соработката со Renault-Nissan. Прв беше Citan, на база на Kangoo, потоа следеше двојката Smart fortwo – Renault Twingo. Како основа за пикапот на Германците послужи Nissan Navara, што е сосем пристојна база. Производството исто така ќе се одвива во фабриката на француско-јапонската алијанса во Шпанија.

Причината што Mercedes се вмешува во овој сегмент е големиот раст во продажбата на пикапи на светско ниво. Повеќето од новите клиенти се приватни сопственици, пикапите се во тренд.

Продажбата во Европа стартува во ноември, а потоа следат Јужна Африка, Австралија и Нов Зеланд, па Аргентина и Бразил во почетокот на 2019. Ценовникот за германскиот пазар стартува од 37.294 евра.


Ти се допаѓа? Сподели со пријателите!

138
21 shares, 138 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743