за

Mercedes T-Class ќе биде семејна изведба на новиот Citan

Mercedes T-Class ќе биде семејна изведба на новиот Citan
Mercedes T-Class ќе биде семејна изведба на новиот Citan

Специјализираниот огранок Mercedes-Benz Vans има најширока палета на модели, од малечкиот Citan до класичарот Sprinter. Како новина во оваа понуда, наскоро пристига T-Class. Станува збор за семејна верзија врз база на следната генерација на Mercedes Citan.

Соработката меѓу Daimler и Renault Nissan Mitsubishi се покажа успешна. Како продолжение на соработката, партнерите подготвуваат нова генерација на Mercedes Citan и Renault Kangoo. Додека товарната и комбинираната верзија на градскиот ван ќе ја задржи ознаката Citan, паралелно со неа ќе се нуди и изведба наменета за приватни корисници, под името T-Class.

До премиерата на моделот останува уште долго време, таа имено е најавена за првото полугодие од 2022 година. Постои веројатност дека партнерот Renault прв ќе ја претстави новата генерација на Kangoo, којашто има подолга традиција во овој сегмент, па затоа и оваа рана најава од Mercedes-Benz Vans.

Уште е рано за конкретни податоци за техниката на возилото, туку само воооштено се најавува дека новиот Mercedes T-Class ќе ги исполнува потребите на семејствата на најдобар начин и ќе одговара и како придружник за активностите во слободно време.

Се јавува и дизајнерот за целиот концерн Горден Вагенер: „Со новиот концепт и дизајн на T-Class ќе постигнеме спој меѓу функционалност и страст. Со нашата единствена дизајнерска филозофија на Сензуална Чистота, со T-Class ќе создадеме атрактивен семеен придружник, што ќе одушевува со дизајнот, со пропорциите и со зрелиот изглед.“

T-Class ќе ги носи обележјата на моделското семејство на Mercedes-Benz

Како комплетно нов модел, T-Class на прв поглед јасно ќе се распознава како Mercedes-Benz, со типичните белези на марката. Генот на Mercedes ќе се покажува најмногу во дизајнот, квалитетот, безбедноста и конективноста.

Буквата T за новата моделска класа на Mercedes е избрана според T-Model, односно според комби изведбата што има долга традиција во Е-Class, а потоа и во C-Class. Покрај изведбите со обични мотори, ќе се нуди и верзија со погон само на струја.

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Gulf и McLaren склучија партнерство

Gulf и McLaren склучија партнерство

Тест: Skoda Octavia 2.0 TDI DSG Style30

Тест: Skoda Octavia 2.0 TDI DSG Style