141
19 shares, 141 points

Во минатиот месец, Mercedes испорачал 199.293 автомобили или за близу пет проценти повеќе отколку лани во октомври. Секако, уште еден рекорд за марката. До крајот на годинава, Mercedes ќе продаде далеку над два милиони автомобили.

Mercedes во октомври продал 199.293 на светскиот пазар, што го надминува и рекордниот октомври лани, со повеќе од 9.000 возила или со зголемување од 4,9 проценти. Поттик најмногу доаѓа од лимузината од A-Class и од новиот GLC. Добро врви и продажбата на лимузината и комбито од C-Class. Растат и вкупните продажби од почетокот на годината, со 1.924.536 продадени возила или за 1,0% повеќе од првите десет месеци лани.

Од почетокот на годината, Mercedes е најпродавана премиум марка во Германија, Велика Британија, Франција, Шпанија, Белгија, Швајцарија, Полска, Португалија, Данска, Турција, Јужна Кореја, Австралија, Тајланд, Канада, Јужна Африка и други

Во Европа во октомври се испорачани 81.017 автомобили (+1,3%) на Mercedes – нов рекорд за октомври. На германскиот пазар биле продадени 30.763 возила (+5,3%). Рекордни продажби има и во Полска, Шведска, Португалија, Данска и Унгарија.

Се радуваме за позитивниот фидбек од клиентите за нашите нови модели. За GLC и за GLC Coupe дури имаме нов рекорд за октомври. GLC е на добар пат и во 2019 да биде најпродаван СУВ во понудата на Mercedes-Benz

Брита Зегер, директорка за продажба за Mercedes-Benz AG

За Азија и Пацификот се испорачани 80.312 возила (+10,9%), што исто така е рекорд. Секако, растот доаѓа од Кина, со 57.142 продадени автомобили (+13,8%) или вкупно 583.032 „мерцедеси“ од јануари до октомври (+5,8%). Топ-вредности има и во Јужна Кореја. Како клучен пазар во регионот на НАФТА, во САД се продадени 27.867 возила (+1,2%). напредува и Канада

Mercedes C-Class подолго од десет години е најпродавана моделска серија на марката; GLC има историски рекорд

Моделите од компактната класа постигнуваат одлични продажни резултати. Годинава се испорачани вкупно 546.100 примероци (+9,8%) од A и B-Class, CLA Coupé и CLA Shooting Brake (двата со дизајн на Славче Таневски, македонскиот дизајнер во Mercedes) и GLA. Во октомври имало раст од 3,3 проценти. Во светски рамки, најмногу напредува класичната лимузина во гамата на A-Class, како нова каросериска изведба. Кај CLA Coupé, продажбата напредува двоцифрено.

New photo by Automedia MK / Google Photos

Од C-Class, во лимузинска и комби изведба, во октомври се продадени 31.800 примероци (+6,5%), односно вкупно 335.100 возила годинава (+1,3%). Рекорди има и кај СУВ-моделите, со повеќе од 69.500 примероци (+2,2%) од GLA, GLC, GLC Coupé, GLE, GLE Coupé, GLS и G-Class. Двоцифрен пораст бележат новиот GLC и GLC Coupé, GLE и G-Class.

Преглед на продажбата на Mercedes-Benz Cars

  Октомври 2019 Промена во % До октомври 2019 Промена во %
Mercedes-Benz 199.293 +4,9 1.924.536 +1,0
smart 8.469 -24,4 96.245 -10,5
Mercedes-Benz Cars 207.762 +3,2 2.020.781 +0,4
         
Продажба на Mercedes-Benz по региони / пазари        
Европа 81.017 +1,3 773.550 +0,6
– Германија 30.763 +5,3 259.500 +5,0
Азија и Пацифик 80.312 +10,9 811.591 +3,1
– Кина 57.142 +13,8 583.032 +5,8
НАФТА 33.264 +1,5 298.411 -2,1
– САД 27.867 +1,2 252.079 -0,3

Автомобил со историја во тек: Зелениот Mercedes W115 на Драган


Ти се допаѓа? Сподели со пријателите!

141
19 shares, 141 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *