120
28 shares, 120 points

Mercedes цврсто ја држи лидерската позиција во премиум сегментот и нема изгледи дека ќе попушти. Со раст од околу 10 проценти, лани е постигната најдобрата продажба во историјата на марката со сребрената ѕвезда. Важни новитети пристигаат во 2018 година: Нови A-Class и G-Class, но и електричен кросовер.

Седум години по ред Mercedes бележи рекорд по рекорд. Продажбата лани се зголемила за 9,9 проценти, на 2.289.344 возила. Растот доаѓа главно од новата E-Class и веќе стандардно од зголемената продажба на теренските модели. Задоволството во Штутгарт е уште поголемо кога ќе се земе предвид дека Mercedes втора година по ред е најпродавана премиум марка во светот – откако по една деценија го презеде лидерството од BMW. Предноста пред конкурентите од Минхен и Инголштат се зголемува, Mercedes бележи најголем раст во германското трио.

Марката со сребрената ѕвезда е лидер во премиум сегментот на пазарите во Германија, Велика Британија, Франција, Турција, Швајцарија, Полска, Португалија, Данска, Чешка, Финска, Грција, Јужна Кореја, Јапонија, Австралија, Тајван, Индија, САД, Канада, Мексико и Бразил.

Во 2018 година од Mercedes пристигаат повеќе од дузина нови модели

Азија повторно е најголемиот продажен регион на Mercedes. Вкупно се испорачани рекордни 875.250 возила (+19,2%). Најголем единечен пазар е Кина, со 587.868 возила и огромен раст од 25,9 проценти. Возачите во Северна Америка не биле толку ентузијастички расположени за германската марка. Пазарот во САД бележи пад од 9,9%, но затоа Канада надоместува со плус од 12,2%. Збирната бројка сепак е за 1,3% подобра резултатот од преклани, со рекордни 400.320 возила.

Секое четврто продадено возило со знакот на Mercedes е модел од компакт класата, односно A или B-Class, CLA, CLA Shooting Brake и GLA. Лани имаше и спектакуларно одбележување на произведениот 5.555.555 примерок од моделската серија што беше воведена во 1997 година. Нова генерација на A-Class ќе биде претставена веќе годинава.

Во својата четврта година, C-Class е најпродавана моделска серијана Mercedes, со преку 415.000 примероци. Не е изненадување тоа што една четвртина отпаѓаат на изведбата со продолжена каросерија којашто се произведува специјално за кинескиот пазар.

Рекордна година за Mercedes E-Class

Втора најпродавана серија со преку 350.000 примероци е E-Class, којашто ја имаше првата полна година во продажба. Тоа е историски рекорд. Со ланскиот фејслифт, знаменосецот S-Class се продал во близу 70.000 примероци. Убедливи бројки постигнува и Mercedes-Maybach S-Class, со вкупно 25.000 возила по лансирањето во 2015 година. Две третини отпаѓаат само на кинескиот пазар.

Сегментот на теренците несомнено е најсилниот адут во гамата на Mercedes, со 805.000 продажби и раст од 14 проценти. Денес секој трет продаден автомобил на марката е теренски модел, најчесто GLC или GLA.

mercedes s-class cabriolet

Дванаесетката „модели од соништата“, кадешто спаѓаат купеата, родстерите и кабриолетите, лани освоила за 22,4% повеќе купувачи, со близу 170.000 возила. Најмногу продажби имаат купето и кабриолетот од C-Class. Во 2018 година пристига уште едно засилување, со новата генерација на CLS.

Пазарот ја сака и V-Class (58.000 примероци, +25,7%), додека од пикапот, којшто беше лансиран во ноември, досега се продале над 1.900 примероци главно на европскиот пазар. Годинава X-Class стартува и во Јужна Африка и Австралија, а во 2019 се на ред Аргентина и Бразил.

AMG за првпат со шестцифрена продажба

Во годината во којашто одбележуваше половина век постоење, AMG за првпат во историјата постигна шестцифрена продажба: Вкупно 131.970 возила или за 33% повеќе отколку преклани. Трите главни пазари, САД, Германија и Канада, имале за 40% зголемена продажба.

Успешната година ја заокружува smart, со преку 135.000 возила. Кина е нов пазар за германското мини. За време на еден од локалните празници, во рок од 48 часа се продадоа над 1.400 возила преку интернет.

Годинава следи воведување нови бензински и дизел мотори во постоечките моделски гами. Новата генерација модели со плагин хибриден погон добива 48-волтна мрежа, а премиера ќе има и електричниот кросовер EQC. Неговата продажба започнува в година.

Продажба на модели на Mercedes-Benz Cars во 2017 година

декември 2017

промена во %

јан. – дек. 2017

промена во %

Mercedes-Benz

193,534

+1.7

2,289,344

+9.9

smart

11,895

-19.1

135,025

-6.5

Mercedes-Benz Cars

205,429

+0.2

2,424,369

+8.8

Продажба на Mercedes-Benz по региони / земји

Европа

75,423

-4.0

955,301

+6.4

Германија

21582

-14.3

303,528

+3.5

Азија

72,685

+5.7

875,250

+19.2

Кина

48,140

+12.2

587,868

+25.9

Северна Америка

40,367

+9.1

400,320

+1.3

САД

35,203

+10.0

337,246

-0.9


Ти се допаѓа? Сподели со пријателите!

120
28 shares, 120 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743