136
71 shares, 136 points

Испорачани се првите примероци од Mercedes GLC F-Cell, единствениот автомобил со погон на водород, кој поседува и батерии што може да се полнат и на обичен домашен приклучок за струја

Неколку избрани клиенти ги добија првите примероци од Mercedes GLC F-Cell со што и официјално започнува продажбата на единствениот автомобил во светот, кој има погон со горивни ќелии што „согоруваат“ водород, но може да се вози и на батерии. Станува збор за технологија што е супериорна во поглед на „батериските“ автомобили, но до нејзината помасовна примена ќе мине уште долго време. Проблемот е во непостоењето инфраструктура од станици за точење водород, но и непостоењето на индустриско производство на водород, коешто ќе обезбеди големи количини и ниски цени.

Mercedes GLC F-Cell 7am#

Корисници на водородниот GLC се неколку германски министерства на сојузно и покраинско ниво, Националната Организација за Водород, H2 Mobility и Германската Железница. До крајот на годинава ќе бидат услужени и фирмите Air Liquide, Shell, Linde AG, како и градските власти на Штутгарт и Хамбург. Од следната пролет, други приватни и деловни корисници ќе можат да склучуваат договор до Mercedes за изнајмување на GLC F-Cell. Висината на месечната рата не се објавува, но може да се стекне претстава за категоријата на цени, бидејќи комплетното сервисирање и евентуалните поправки се вклучени во ратата.

Покрај тоа што користи водород како погонско гориво, посебноста на овој теренец е во тоа што поседува и литиум-јон батерија, како секој плагин-хибрид. Оваа батерија може да се полни со приклучување на најобичен ѕиден „штекер“ или на моќен полнач. Идејата е енергијата во батеријата да се користи кога ќе се потроши водородот во резервоарот, и обратно, да се вози на водород, кога ќе се исцрпи енергијата во батеријата. За електрoмоторот со моќност од 155 киловати, односно 204 КС е сеедно од каде пристига струјата – дали од горивната ќелија или од батеријата.

Полнењето на резервоарите со 4,4 килограми водород трае само три минути – со тоа се вози до 430 километри

Предноста на водородот е тоа што со само 4,4 килограми во резервоарот со технологија за вселенски брод може да се минат 430 километри, брзо, тивко и без грам штетен издув. Но, сето тоа е бескорисно, додека „погонското гориво“ може да се точи на само неколку стотини пумпи низ светот, од кои повеќето се за интерна употреба. Двата резервоара во подот на GLC се под притисок од 700 бари и заштитени се со сложена карбонска обвивка.

Mercedes GLC F-Cell 3am#

Потрошувачката на водород изнесува околу 1 килограм на 100 километри. Батеријата, пак, може да испорачува енергија за 51 километар, независно од погонот на водород. Техничарите на Mercedes успеаја да ги здружат двата различни „резервоара“ – слично како кај автомобил што користи уред за автогас или метан.

Возачот може да избира меѓу четири режими на погон за Mercedes GLC F-Cell:

HYBRID: Возилото користи енергија од двата извора. Батеријата се вклучува при екстремно оптоварување, додека горивната ќелија работи во подрачјето со оптимална ефикасност.

F-CELL: Енергијата од горивната ќелија ја одржува наполнетоста на батеријата на константно ниво. За погонот се користи само водородот. Овој режим одговара за долги патувања.

BATTERY: Електромоторот на GLC F-CELL ја користи само енергијата на батеријата. Горивните ќелии се неактивни. Овој режим одговара за куси тури.

CHARGE: Погонската спрега има приоритет да ја наполни батеријата, на пример пред резервоарот за водород да се наполни до крај. Со полна батерија се добиваат и екстра 51 километри досег.

Во сите четири модуси функционира повратокот на енергијата при забавување или сопирање, и истата се користи за полнење на батеријата.

Неколку моќни компании веќе работат на изградба на мрежа од станици за водород. Овие станици во почетокот ќе се поставуваат во густо населените подрачја. Германските градови Штутгарт, Диселдорф, Берлин, Хамбург, Франкфурт, Минхен и Келн веќе располагаат со неколку станици за водород. Мрежата од 50 станици, до крајот на следната година ќе се удвои. Следниот чекор се 400 станици, само во Германија. Слични проекти веќе се одвиваат и во уште неколку европски држави, исто како и во САД и Јапонија.


Notice: Undefined index: fag_col_layout in /home/automedi/public_html/wp-content/plugins/flickr-album-gallery/flickr-album-gallery-short-code.php on line 37

Mercedes GLC F-Cell, почеток на испорака

Flickr Album Gallery Powered By: WP Frank
Водителот на емисијата „Grip“ зад воланот на водородниот GLC

За погонот на водород нема лош збор: Mercedes GLC F-Cell

Тринаесет светски компании во поддршка на водородот како нов глобален енергенс

Седумтонски камион со хибриден погон троши 11,8 литри

Mercedes EQC: Германците уште еднаш го измислија автомобилот

Најеколошкото гориво: Водород од сончева енергија

Водородниот погон ќе отвори 30 милиони работни места

Станиците за водород поевтини од полначите за струја?

Honda го донесе најнапредниот автомобил со водороден погон во Европа

 


Ти се допаѓа? Сподели со пријателите!

136
71 shares, 136 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743