Дарко Јаконов
рг доби службено возило што не испушта грам штетни материи и со едно полнење вози до најдалечната точка во земјата. Станува збор за Mercedes GLC F-Cell, во основата електричен автомобил, но не на батерии, туку на водород
Автомобил со нулта емисија, што значи дека станува збор за погон на струја, но таков што нема ограничувања во досегот и способен е со едно полнење да извози до најдалечните краишта на Германија. Таков е новиот службен автомобил на Винфрид Кречман, премиер на германската покраина Баден Виртенберг. Возилото е Mercedes GLC F-Cell, со погон на водород, кое е единствено со егзотичниот вид на погон, што воедно поседува и можност за надворешно полнење на батеријата, односно е плагин-хибрид.
Специјалната изведба на СУВ-моделот GLC, со додавка F-Cell, официјално беше претставена пред јавноста за првпат на салонот во Франкфурт во 2017 година. Во меѓувреме стартуваше и испораката и првите возила веќе се наоѓаат во редовна примена кај избрани клиенти. Министерот Кречман цени дека „овој автомобил е параден пример за одржливата мобилност.“
Mercedes GLC F-Cell вози до 430 километри на водород, а потоа уште 51 километри на батерија
Очигледно е дека постои голема разновидност на погоните што не ѝ наштетуваат на животната средина и на коишто им претстои уште долга иднина, по целосното заминување на моторите со внатрешно согорување. Daimler го гледа најголемиот потенцијал на погонот на водород во камионскиот транспорт, како и во возењето на долги релации.
Чистиот водород е сместен во два резервоари во подот на Mercedes GLC F-Cell, со вкупна зафатнина од 4,4 литри. Под притисок од 700 бари, резервоарите се полнат за само три минути, колку што впрочем трае и полнењето гориво кај автомобилите со обичен погон. Истите се изработени со врвна технологија, и меѓу другото поседуваат и карбонска обвивка за заштита од механички оптоварувања.
Потрошувачката на водород изнесува околу 1 kg на сто километри, односно Mercedes GLC F-Cell може да извози 430 километри само на водород. На тоа следат уште дополнителни 51 километри, за колку што има енергија во батеријата.
Водородниот Mercedes GLC F-Cell почнува со продажба
За погонот на водород нема лош збор: Mercedes GLC F-Cell
Супертранспортер: Mercedes Sprinter со дизел V6 и погон 4х4
Mercedes достигна една милијарда допаѓања на инстаграм
Првиот електричен автобус Mercedes eCitaro вози во Хамбург
