142
19 shares, 142 points

Новитетот во понудата од СУВ-модели на Mercedes беше најавен уште со Concept GLB на салонот во Шангај пред два месеци. Со можност за седум седишта, Mercedes GLB ја има вистинската големина за новата конкуренција, но има и јасна врска со легендата G-Modell.

Tеренците на Mercedes постигнуваат одлична продажба за марката, а сега уште повеќе. Новиот „G-Modell“ е позициониран во празнината што постоеше меѓу кросоверот GLA и СУВ-моделот во гамата на C-Class. Тоа што посебно го издвојува новиот GLB е робусниот изглед, кој сосем јасно влече корени од легендарниот G-Modell. Нараснатите димензии во однос на GLA создадоа простор за вградување трет ред седишта по желба.

New photo by Automedia MK / Google Photos

Каросеријата е долга 4,64 метри, широка 1,84 и висока 1,66 метар. Меѓуоскиното растојание од 2,83 метри е за десет сантиметри подолго во споредба со ванот B-Class, кој исто така ја користи платформата од A-Class. Багажникот стандардно нуди 560 литри во изведбата со пет седишта, а по соборувањето следат 1.755 литри, што е на исто рамниште со комби од средна класа. За средната клупа да лизга 14 сантиметри по должина е потребна доплата, додека местењето на клупата по агол е стандард.

Секој трет продаден Mercedes е СУВ-модел, а секој четврти автомобил е од компакт класата; Mercedes GLB ги има сите предуслови да стане бестселер на марката

Осмиот модел во гамата компактни модели на Mercedes ќе пристига од фабриката во Мексико, а посебно за кинескиот пазар ќе се произведува во Пекинг. Продажбата во Германија започнува кон крајот на годинава.

Колку што се издвојува дизајнот на каросеријата во стил на G-Class, толку има посебен печат и во изгледот на кокпитот. Целата арматурна табла изгледа како да е од едно парче дел и само визуелно е поделена на возачка и совозачка страна. Двојниот дисплеј пред возачот е веќе вообичаена слика во Mercedes, Секако дека и ракувањето MBUX не смее да отсуствува. Нов детал е држачот пред совозачот, во стил на класичните теренци.

New photo by Automedia MK / Google Photos

Траги од старите теренци се препознаваат и во хоризонталната положба на рачките во вратите. Диодни светла со повеќе снопови се достапни како опција. Изведбите на Mercedes GLB со погон 4Matic стандардно се опремени со теренски пакет. Во комбинација со ЛЕД-светлата со повеќе снопови, во тој случај се постигнува мошне ефикасно осветлување на теренот.

New photo by Automedia MK / Google Photos

Системите за асистенција ги користат придобивките од подобрената работа на камерите и радарите, кои ја следат ситуацијата и до 500 метри пред возилото. Во одредени услови се овозможува и делумно автопилотирано возење. Со користење на информациите од навигацијата, радарскиот темпомат самостојно подзабавува пред свијоци, што дополнително го растоварува возачот и овозможува покомфорно возење.

New photo by Automedia MK / Google Photos

Со доплата е достапна и приспособлива амортизација, со којашто може да се избира меѓу комфорна работа на подвозјето или повеќе спортски нагласок. Нова занимација на експертите за комфор во Mercedes е функцијата Energizing, којашто соодветно ги приспособува светлата во кабината, комфорните системи во возилото и музиката, но и масажата во седиштата, во зависност од програмата што ќе се избере.

Повеќе нагласок е ставен на теренските способности на Mercedes GLB

Суштинскиот квалитет на GLB е во нагласокот на теренските способности, доколку се избере варијанта 4Matic. Во тој случај, возачот има на располагање три режими на работа на погонската спрега. Распределбата на вртежниот момент меѓу двете оски се врши во сооднос 80:20 во режим Еко/Комфор. Кога ќе се избере спортски режим распределбата се менува на 70:30. Третиот режим е теренски, при што распределбата се „заклучува“ на сооднос 50:50 меѓу двете оски.

New photo by Automedia MK / Google Photos

Меѓу компонентите на 4Matic спаѓаат пренос до задната оска кој е интегриран во менувачот со двојна спојка, како и заден диференцијал со интегрирана ламеласта спојка. Ламелите се отвораат или затвораат под дејство на електромотор. Во посебен пакет за теренско возење се добива и анимација на моментната положба на возилото на терен, како странично навалување или степен на нагорнина.

Понудата од погонски единици почнува со бензинецот од 1,33 литар во GLB 200, со моќност од 163 КС и исклучување на цилиндрите заради заштеда на гориво. Дволитарец со 224 КС работи во GLB 250 4Matic, чијашто посебност е двостепениот од на вшмукувачките вентили преку системот Camtronic.

Дволитарскиот дизел во GLB 200 d и во GLB 220 d поседува надграден систем за пречистување на издувните гасови и ги исполнува нормите што ќе почнат да важат во 2020 година.

Основни технички податоци за Mercedes GLB:

GLB 200
GLB 250 4MATIC

Менувач

7G-DCT

8G-DCT

Зафатнина (cm³)

1.332

1.991

Моќност (kW/КС)

120/163

165/224

при (1/min)

5.500

5.800

Вртежен момент (Nm)

250

350

при (1/min)

1.620 – 4.000

1.800 – 4.000

Потрошувачка (l/100 km)

6,2-6,0

7,4-7,2

CO2 (g/km)

142-137

169-165

0-100 km/h (s)

9,1

6,9

Крајна брзина (km/h)

207

236

GLB 200 d
GLB 200 d 4MATIC
GLB 220 d 4MATIC

Менувач

8G-DCT

8G-DCT

8G-DCT

Зафатнина (cm³)

1.951

1.951

1.951

Моќност (kW/КС)

110/150

110/150

140/190

при (1/min)

3.400 – 4.440

3.400 – 4.440

3.800

Вртежен момент (Nm)

320

320

400

при (1/min)

1.400 – 2.600

1.400 – 2.600

1.600 – 2.400

Потрошувачка (l/100 km)

5,0-4,9

5,5-5,2

5,5-5,2

CO2 (g/km)

133-129

144-136

146-138

0-100 km/h (s)

9,0

9,3

7,6

Крајна брзина (km/h)

204

201

217

New photo by Automedia MK / Google Photos
New photo by Automedia MK / Google Photos

Mercedes-AMG CLA 35: Комби жолто како завист, со 306 КС

Пет милиони примероци од Mercedes A-Class од фабриката во Раштат

Лимузинскиот Mercedes A-Class пристигна во Мак Аутостар

Топ 10 Најдобри дизајни на Mercedes во избор на Славче Таневски

 


Ти се допаѓа? Сподели со пријателите!

142
19 shares, 142 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *