168
27 shares, 168 points

Неодамна лансираниот Mercedes A-Class е само појдовна точка за големото моделско семејство коешто ќе се состои од осум различни каросериски изведби. Комплетно нова моделска верзија е GLB, со повеќе теренски гени отколку GLA и со стил поблизок до G-Class

Разновидноста на понудата од модели со знакот на Mercedes во компакт класата е сé освен скромна. Покрај класичната комбилимузина со пет врати A-Class, се нудат стилската купе-лимузина CLA и нејзината комби варијанта CLA Shooting Brake, на тоа се надоврзува ванот B-Class, а има и кросовер GLA.

Во новата генерација модели од компакт класата која штотуку ја стартуваше A-Class (W177), Mercedes сепак ќе ја прошири понудата на вкупно осум различни верзии. Уште се шпекулира околу осмата каросериска верзија.

Во Кина неодамна беше претставена лимузинската верзија од A-Class, поточно имаше премиера локалната изведба со продолжено меѓуоскино растојание. На останатите пазари ќе се нуди обичната изведба. Тоа е шестата верзија во гамата. Сосем е извесно дека следниот нов член ќе биде GLB. Засега моделот постои за јавноста само на маскирани тест-прототипи и компјутерски ретуши.

Mercedes GLB ќе биде позициониран над идниот GLA, но главниот адут ќе му биде кутиестиот дизајн во стил на теренската легенда G-Class. Вишок модели во СУВ-сегментот не може да постои. Побарувачката расте колку што можат да понудат производителите.

Mercedes kompakti noviteti 2

Стана густа конкуренцијата во сегментот на компактните СУВ-модели. BMW веќе реагираше и на X1 му ја придружи стилската верзија X2, од истата групација пристига и Mini Countryman, Швеѓаните го нудат новиот Volvo XC40, па дури и Jaguar е присутен со E-Pace. Традиционално, сегментот го заокружува Audi, исто така со два модела, Q2 и Q3.

Детали во стил на G-Class ќе бидат исправениот ветробран, строго хоризонталната линија на хаубата и рамниот покрив. Предните и задните светла ќе го следат примерот од A-Class, а истото ќе важи и за внатрешноста. Големите дисплеи и иновативниот систем за ракување MBUX сигурно ќе се нудат и во GLB-Class. Кабината ќе нуди повеќе простор за патници, вклучувајќи и значително поголема ширина во споредба со GLA, а соодветно повеќе простор ќе стои на располагање и во багажникот. Дополително ќе се нуди и верзија со трет ред седишта, како одговор на Active Tourer од серијата 2 на BMW.

Mercedes kompakti noviteti 3

Заедно со платформата од A-Class во новиот компактен теренец на Mercedes пристигаат и моторите. На почетокот ќе се нуди GLB 200 со 1,3-литарскиот бензинец, којшто во меѓувреме се вградува и кај францускиот партнер, во Renault Scenic. Послаба верзија со околу 110 КС веројатно нема да е нуди во GLB. Второто скалило ќе биде GLB 250, со дволитарски турбо со 224 КС. Дизел мотори секако дека нема да отсуствуваат, исто како и верзија на AMG.

За електричниот погон во Mercedes е задолжена посебната подмарка EQ, којашто го подготвува EQA како модел во компактниот сегмент. Електрификацијата кај GLB ќе се сведе на благ хибриден погон, со 48-волтна мрежа и стартер-генератор.

Премиерата на Mercedes GLB може да се очекува веќе во првата половина од следната година.


Ти се допаѓа? Сподели со пријателите!

168
27 shares, 168 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743