Фабриката на Magna Steyr во австрискиот Грац работи повторно и произведува Mercedes G-Class. Уште неколку фабрики за автомобили во Европа го вратија производството.
Фабриката на Magna Steyr во Грац, во австриската сојузна покраина Штаерска, повторно произведува, по привремениот прекин поради пандемијата од корона. Како што се наведува во соопштението оттаму, вратено е производството на Mercedes G-Class под зајакнати безбедносни и хигиенски мерки. Уште неколку производители најавија обновување на производството во Европа.
Во фабриката во Ѓер, Унгарија, повторно се произведуваат мотори за Audi. Место 8.000 мотори, се изработуваат само по неколку стотини мотори дневно, затоа што се работи во само една смена, место во вообичаените три смени. Audi најави дека ќе го обнови и производството во фабриката во Брисел, од кадешто излегуваат електричните СУВ-модели e-tron и e-tron Sportback.
По три недели пауза, повеќе не мируваат и производствените ленти во фабриката на Hyundai во Ношовице, Чешка. Таму се работи во две, место во три смени, секако со почитување на строги правила за хигиена.
Порше Македонија детално ја објаснува процедурата на заштита на клиентите и на својот персонал преку ова видео
https://www.instagram.com/p/B-9ImTsHIgR/
Audi подготвува враќање во погон на фабриката во Брисел