157
20 shares, 157 points

Mercedes настапува на салонот во Франкфурт во знакот на новите видови на мобилност што се од одржлива природа. Во тој стил е главната порака: Луксузните автомобили повеќе нема да се однесуваат расипнички со горивото и со животната средина, туку напротив, ќе бидат заштитнички колку е можно повеќе. Пример за тоа е студијата Vision EQS.

Деветнаесет модели на штандот на Mercedes во Франкфурт првпат се појавуваат пред светот. Комплетна промена се случи и во стилот во којшто е изведен штандот и истата е направена со цел на клиентот полесно да се запознае со понудата на марката и на концернот., Mercedes и Daimler се подготвуваат за блиската иднина, кога ќе нудат и бројни нови услуги за мобилност, не „само“ автомобили.

Пионерскиот дух е дел од нашата DNA. Основачите на нашата фирма беа архитекти на новата мобилност без коњи. Нашата задача за денес е индивидуална мобилност без штетна емисија
Ола Келениус, шеф на Daimler

New photo by Automedia MK / Google Photos

 

Швабите во Франкфурт најавија бројни големи цели:
  • До 2039 година, целата моделска понуда ќе биде со неутрална емисија на СО2
  • До 2030 година, повеќе од половина од продадените нови возила ќе возат на струја
  • СО2-неутрално снабдување со енергија на речиси сите фабрики во Германија и СО2-неутрално производство на возила во Европа до 2022 година.

Електромобилноста прераснува во главен бизнис на Mercedes-Benz. Новите генерации модели уште од старт се предвидени за верзии со електричен погон и се базираат врз сопствена електрична платформа. Добавувачите на батерии за концернот исто така се обврзани да произведуваат СО2-неутрално.

Студијата Vision EQS ја прикажува идејата за одржлив луксуз

Mercedes одржа светска премиера на Vision EQS, студијата според којашто ќе се раководат идните генерации модели. Оваа своевидна S-Class на иднината поседува целосно приспособлива електрична платформа, со можност за менување на големината, за истата да се користи за повеќе модели.

New photo by Automedia MK / Google Photos

Секако дека во лимузината не отсуствуваат традиционалните вредности на Mercedes, односно врвната изработка, дизајнот што ги поттикнува емоциите и воопшто уживање во возењето. Досегот на електричниот крстосувач изнесува до 700 километри. Со моќност од 350 kW, односно 476 КС, спринтот до сто трае 4,5 секунди. При користење супербрз полнач со 350 kW, батеријата се полни до 80% за помалку од 20 минути.

New photo by Automedia MK / Google Photos

Три модели од компакт класата се појавуваат премиерно во Франкфурт со плагин хибриден погон од третата генерација. Ние веќе објавивме за A 250 e, A 250 e Limousine и B 250 e. Досегот само при погон на струја изнесува најмногу 70 km. Електромоторот со 75 kW произведува системска моќност од 160 kW или 218 КС, заедно со турбо-бензинецот од 1,33 литар. Импресивни се и 450-те њутнметри, а не изненадува и спринтот до сто за само 6,6 секунди. Крајната брзина е 235 km/h.

Два плагин-хибриди има и во СУВ-понудата. Mercedes GLE 350 de 4Matic ангажира дизел, во комбинација со батерија од 31,2 kWh. Во најдобар случај, со полна батерија може да се извозат до 100 километри. Вториот е Mercedes GLC 300 e 4Matic.

New photo by Automedia MK / Google Photos

Премиера има и новиoт GLE Coupe, заедно со неговата верзија од AMG со 435 КС, којашто работи како таканаречен благ хибрид, со 48-волтна мрежа и стартер генератор.

Голема премиера и за една „малечка“ марка. Smart влегува во нова генерација и отсега нуди само електрични возила. Така беше замислата уште од почетокот, кога идејата ја развиваше Николас Хајек, таткото на Своч-часовниците. Досегот на струја изнесува над 150 km во реални услови. Првпат има разлика во предниот дел меѓу fortwo и forfour. Вториов следи пример од студијата Vision EQ fortwo.

New photo by Automedia MK / Google Photos

До збирот од 19 премиери следат уште Mercedes-AMG GLB 35 4Matic, EQV – како изведба од V-Class со погон на струја и досед до 405 km, и експерименталното возило ESF, со неколку нови идеи за безбедноста, плус A 45 (S) 4Matic+, CLA 45 (S) 4Matic+, CLA 45 (S) 4Matic+ Shooting Brake и GLC 43 4Matic во класична и купе-изведба.

View this post on Instagram

Volocopter absolviert historischen Flug in Helsinki! Das Flugtaxi made in Bruchsal ist das erste Elektro-VTOL-Flugzeug, das einen Systemtest an einem internationalen Flughafen gemacht – und bestanden hat. Was das genau bedeutet und ob wir damit schon bald Flugtaxis in unseren Städten sehen? Beantworten wir bei uns im Magazin. Folge einfach dem Link in der Bio! #volocopter #volocoptergmbh #flugtaxi #lufttaxi #airtaxi #urbanmobility #urbanairmobility #smartmobility #emobility #elektromobilität #eflugzeug #elektroflugzeug #VTOL #eVTOL #urbanflight #autonomousflight #autonomous #autonom #helsinki #helsinkiinternationalairport #airport #airtraffic #flight #futureofflight #futureofmobility #zukunftdermobilität Foto by Volocopter

A post shared by Mobility Mag – Online-Magazin (@mobilitymag_de) on

Моќен магнет за публиката е 3D-моделот од VoloCity. Станува збор за првиот комерцијален волокоптер, којшто ќе се користи за такси превоз и во чиешто дизајнирање учествуваше тим на Mercedes.


Ти се допаѓа? Сподели со пријателите!

157
20 shares, 157 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *