155
20 shares, 155 points

Во фабриката во Бремен започна производството на Mercedes EQC, на „мерцедесот“ меѓу електричните автомобили. Книгата со нарачки е отворена, големиот СУВ на батерии се произведува на иста лента со моделите со хибриден погон.

EQC 400 4MATIC, тоа е ознаката на автомобилот за когошто денес ќе се зборува и во главните тв-дневници. Според Mercedes, тоа е прв модел развиен и произведен во рамките на стратегијата Case, којашто спојува конективност, автономно возење, нови услуги, и секако, погон на струја,

Со Mercedes-Benz EQC започнува новата ера на мобилноста. Тој е дел од растечкото семејство на возила со погон само на струја на Mercedes-benz и ги обединува традиционалните својства на марката, како квалитет, безбедност и комфор. На нашите клиенти им нудиме прогресивен дизајн и единствен возен комфор – сето тоа при досег што одговара за секојдневието
Брита Зегер, директорка на продажба во Mercedes-Benz

Производителот наведува досег меѓу 445 и 471 километри според нормата NEDC. Цената на основната моделска изведба во Германија изнесува 71.281 евра, вклучувајќи богата стандардна опрема. Без ДДВ, цената е под 60.000 евра, со што електричниот Mercedes ги исполнува условите за масивната државна субвенција од најмалку 4.000 евра.

Производство на EQC на иста лента со Mercedes C-Class

Од фабриката во Бремен денес излезе првиот примерок од EQC. Моделот таму се произведува на иста лента со лимузината и комбито од C-Class, GLC и GLC Coupe. Погоните се одликуваат со висока флексибилност, така што во секој момент може да се интервенира и да се зголеми продукцијата на одреден модел, зависно од моментната побарувачка.

 

Технички податоци · Mercedes EQC 400 4Matic

Емисија на CO2

0 g/km

Потрошувачка на струја (NEDC)

20,8 – 19,7 kWh/100 km

Досег (NEDC)

445 – 471 km

Време на полнење преку домашен полнач (AC)

11 часови

Време на полнење на брз полнач (DC)

Околу 40 min

Погон

2 асинхрони електромотори, погон на сите тркала

Моќност

300 kW (408 КС)

Вртежен момент

760 Nm

Крајна брзина

180 km/h (ограничено)

0-100 km/h

5,1 s

Батерија

Литиум јон

Капацитет на батерија(NEDC)

80 kWh

Тежина на батерија

652 kg

Должина / Ширина / Висина

4.761/1.884 (2.096) /1.623 mm

Ширина на трага

1.625/1.615 mm

Меѓуоскино растојание

2.873 mm

Багажник

ca. 500 l

Празно возило / Дозв. теж. / Носивост

2.495/2.940/445 kg

Тежина на приколка

1.800 kg

Mercedes-Benz EQC

Цена од (евра)

71.281,00

Mercedes-Benz EQC Edition 1886 Цена од (евра)

84.930,30

Mercedes EQC: Германците уште еднаш го измислија автомобилот

Електричниот Mercedes EQC со светска премиера на 4-ти септември

 


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *