156
67 shares, 156 points

Mercedes ја доби досега најбројната нарачка за електричниот градски автобус eCitaro. Нарачател е претпријатието за градски превоз од германскиот град Визбаден. Во главниот град на сојузната покраина Хесен ќе возат 56 автобуси со електричен погон од моделската серија eCitaro. Покрај испораката на автобусите, Mercedes ќе работи и на преработка на депоата, на поставување на полначите и на организацијата на полнењето на батериите.

Со овој потег, Визбаден префрлува една петина од својот возен парк на електричен погон. Десет автобуси ќе бидат испорачани веќе годинава, а останатите в година. Mercedes eCitaro имаше премиера лани на салонот за товарни возила во Хановер.

Првите 15 примероци од Mercedes eCitaro за Визбаден се опремени со литиум-јон батерии од тековната генерација. Секој автобус поседува 12 батериски пакети, а вкупниот капацитет изнесува 292 kWh.

Останатите 41 автобуси ќе поседуваат батерии со цврст електролит. Тоа е нова и револуционерна технологија во електромобилноста, а Mercedes е еден од пионерите во нејзината примена. За споредба, седум батериски пакети со цврст електролит постигнуваат капацитет од 441 киловатчасови. Со полна батерија, досегот изнесува над 200 километри, според нормата Sort 2.

Визбаден има планови да стане прв германски град што целиот градски сообраќај ќе го врши со автобуси кои не испуштаат штетни материи.

Хамбург нарача 16 електрични автобуси Mercedes eCitaro

Хамбург нарача 16 електрични автобуси Mercedes eCitaro


Ти се допаѓа? Сподели со пријателите!

156
67 shares, 156 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *