133
18 shares, 133 points

Глетката мора да предизвикува посебно чувство, кога цела една фабрика за автомобили, и тоа на Mercedes, произведува модели чијшто дизајн e произлезeн од сопствените раце. По неколку месеци откако стартуваше производството на купе-лимузината Mercedes CLA, следи комби-купето CLA Shooting Brake. Двата сродни модели го носат дизајнот на Славче Таневски, македонската ѕвезда во Mercedes.

Исто како и во претходната генерација, CLA Coupe и CLA Shooting Brake се произведуваат единствено во фабриката на Mercedes во Кечкемет/Унгарија и оттаму се испорачуваат ширум светот. Фабриката е дел од светскиот синџир од шест производствени локации, на три континенти, во коишто се изработуваат моментно седумте модели од семејството на A-Class. Тоа се уште Пекинг/Кина, Усикаупунки/Финска, Агуаскалиентес/Мексико, Хамбах/Франција и Раштат/Германија.

Mercedes CLA Shooting Brake Slavce Tanevski designer Zeneva

Покрај двете дизајнерски парчиња, во Кечкемет од лани се произведува и лимузинската изведба на A-Class, самата новитет во понудата од модели во компакт класата на Mercedes.

Дронови пет месеци летаа над фабричките хали, во тестирање на достава на делови до одделните работни позиции

Постојано се испробуваат нови пристапи во производството. Во унгарската фабрика пет месеци се тестираше достава на потрошни материјали за производствените постројки, со помош на дронови над фабричките хали. Тоа денес е реалност во овие погони на Mercedes, а ќе се воведува и во останатите фабрики.

Бројот на вилушкари е сведен на минимум, а транспортот предежно се врши со автономни роботи. Хартија практично не постои во фабриката, а се произведува со посебна грижа кон животната средина, за што сведочи и комплетното воведување на диодни светилки во сите хали.

New photo by Automedia MK / Google Photos

Во поглед на дизајнот, дебелиот опаш кој обично е естетски недостаток на комби-каросеријата, кај CLA Shooting Brake е претворен во предност што го издвојува од останатите автомобили во уличната слика. Славче лично го претстави својот автомобил при светската премиера на салонот во Женева пролетоска.

Двете каросериски изведби на „CLS за млади“ досега се продадоа во повеќе од 750.000 примероци. Најголеми пазари лани беа Кина, САД и Германија. Американските возачи на CLA и на „Shooting“ се десет години помлади од возачите на останатите модели на Mercedes. Во Европа, две третини претходно поседувале автомобил од друга марка.


Ти се допаѓа? Сподели со пријателите!

133
18 shares, 133 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *