145
19 shares, 145 points

Mercedes во мај испорачал повеќе од 195.000 возила ширум светот. Тоа што ни дава посебна „локална“ тежина во мајската статистика е одличната продажба на CLA, купе-лимузината на македонскиот дизајнер во Mercedes, Славче Таневски. Растот во продажбата на CLA од 8,5 проценти, придонесе семејството компактни модели да постигне историски рекорд, со 58.000 возила во еден месец.

Mercedes во минатиот месец постигнал 195.690 испораки на нови возила на светскиот пазар. Тоа е за 1,3 проценти помалку во споредба со мај лани и се должи главно на слабеењето на кинескиот пазар, што ги погодува сите марки. Во Штутгарт сепак се повеќе од задоволни со постигнатото, особено со продолжениот раст на моделите во семејството на A-Class. Германците се посебно горди на првиот месец од продажбата на CLA, еден од низата модели дизајнирани од Славче Таневски. Купе-лимузината постигнала раст од 8,5% во споредба со истиот месец лани.

New photo by Automedia MK / Google Photos

Mercedes во мај бил најпродавана премиум марка во Германија, Велика Британија, Франција, Шпанија, Белгија, Португалија, Данска, Чешка, Финска, Јужна Кореја, Јапонија и Австралија. Вкупниот биланс на марката покажува минус 4,7%, со 938.499 продадени возила од почетокот на годинава. Тоа се должи на генерациските смени на повеќе СУВ-модели, вклучувајќи го и GLE.

Одличниот фидбек, особено од нашите помлади клиенти, за пазарниот старт на новото CLA Coupe во Европа, за новата A-Class и за нашиот мултимедиски систем MBUX, посебно нé радува.

Брита Зегер, директорка на продажба на Mercedes

Во минатиот месец се продале околу 58.000 примероци (+10,0%) од A и B-Class, од CLA, CLA Shooting Brake и од GLA. По точно една година од стартот, A-Class постигнала повеќе од 195.000 продажби на светскиот пазар. Само во мај, растот изнесува повеќе од 40 проценти. Лимузинската и комби изведбата од актуелната E-Class во меѓувреме надминаа еден милион продажби.

New photo by Automedia MK / Google Photos

Продажба на Mercedes-Benz Cars во мај

Мај 2019

Тренд во %

До мај 2019

Тренд во %

Mercedes-Benz

195.690

-1,3

938.499

-4,7

smart

11.466

-1,2

50.087

-4,5

Mercedes-Benz Cars

207.156

-1,3

988.586

-4,7

Продажба по региони / пазари

Европа

81.762

+0,9

377.703

-4,1

Германија

27.806

+5,9

123.318

-2,0

Азија / Пацифик

77.694

-2,2

396.815

-2,9

Кина

55.589

-0,9

287.639

+1,6

НАФТА

31.933

-2,1

143.601

-9,8

САД

27.080

+0,4

121.200

-8,6

Македонска гордост на салонот во Женева: Славче Таневски и Mercedes CLA

Интервју со Славче Таневски, дизајнер во Mercedes-Benz Cars: „Целта е добра, но и патот дотаму треба да биде убаво искуство“

Mercedes-AMG CLA 35: Комби жолто како завист, со 306 КС

Куса историја од Mercedes M-Class до GLE: Веќе достапен за тест-возење во Мак Аутостар

 


Ти се допаѓа? Сподели со пријателите!

145
19 shares, 145 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *