По светската премиера во Лас Вегас, на овој крај на светот започна производството на Mercedes CLA од втората генерација. Тоа е уште еден „македонски“ Mercedes, дизајниран од Славче Таневски. Исто како претходничката, купе-лимузината се произведува во Унгарија
Во фабриката на Mercedes во Кечкемет, Унгарија, започна производството на втората генерација на купе-лимузинската изведба во гамата на A-Class. Моделите од компакт класата на Mercedes имаа светска авантура лани. Прво стартуваше производството на A-Class во Раштат, Кечкемет и Усикаупунки (Финска), следеше лимузинската изведба во Агуаскалиентес (Мексико), па продолжената верзија посебно за кинескиот пазар (во фабриката во Пекинг), за кругот да се затвори со стартот на B-Class во Раштат, Германија.
https://photos.app.goo.gl/KYs7DwQZ6r6BeFxD8
Но, преостанува уште еден круг, за „специјалистите“, како CLA Coupe, CLA Shooting Brake, GLA и GLB на крај. Новиот круг го почнува CLA Coupe, моделот чијшто дизајн носи потпис на македонскиот дизајнер во Mercedes-Benz Cars, Славче Таневски. До интервјуто со младиот дизајнер може да пристапите преку следниов линк.
Mercedes CLA е првиот модел со сребрена ѕвезда што имал премиера на ЦЕС во Лас Вегас
Mercedes CLA е наменет првенствено за помладиот круг купувачи. Моделот имаше премиера на салонот за потрошувачка електроника во Лас Вегас, како манифестација којашто големите производители не ја пропуштаат.
https://photos.app.goo.gl/qNeZNP2pimCBR89C7
Купето и комбито од претходната генерација се продадоа во повеќе од 750.000 примероци по стартот во 2013 година. Унгарската фабрика и натаму е единствена што ќе ги произведува CLA и CLA Shooting Brake за светскиот пазар. Тоа е доказ за довербата што Штутгарт ја има во квалитетот и организацијата на производството во Кечкемет.
Испораката на стилската купе-лимузина и на задолжителната „воведна серија“ Edition 1 започнува во мај.
Лимузинскиот Mercedes A-Class во Македонија стартува од 27.990 евра
Безбедноста осум децении е врвна наука во Mercedes
Што бара Porsche 550 Spyder среде музејот на Mercedes?