Дарко Јаконов
Концернот Daimler испорача 99 градски автобуси Mercedes Citaro за Обединетите Арапски Емирати. Автобусите ќе придонесат за проширување и модернизација на сообраќајниот систем во Абу Даби.
Градските автобуси се со нископодна конструкција од типот Mercedes Citaro, коишто се произведуваат во фабриката на Daimler Buses во Манхајм, Германија и ја исполнуваат нормата за издувни гасови Euro VI. Одржувањето на автобусите е предмет на петгодишниот договор за комплетно сервисирање и одржување од страна на EMC CV (Emirates Motor Company Commercial Vehicles), генерален претставник на Mercedes-Benz во Абу Даби.
Откако Daimler Buses во 2009 година го направи првиот чекор со испораката на 100 примероци од Mercedes Citaro за Аби Даби, ова е вториот голем тендер на компанијата во Обединетите Арапски Емирати.
Цел на огранокот Daimler Buses е стратешки развој, кој предвидува освојување на нови пазари и глобално присуство.
Мадрид нарача 672 автобуси со погон на метан Mercedes Citaro NGT
