150
77 shares, 150 points

Mercedes C111 беше серија од шест експериментални и рекордерски возила која уште се помни и по половина век. Првиот автомобил беше прикажан на салонот во Франкфурт во септември 1969 година. Целата серија ќе биде прикажана по повод нејзината педесетгодишнина, на салонот за олдтајмери Техно Класика во Есен, од 10-ти до 14-ти април. Повод за присеќање на оваа легенда.

Дизајнерите на Mercedes, Џорџо Батистела и Пол Брак, во средината на 1960-те години започнуваат да работат на суперспортски автомобил со средишен мотор. Резултат од тоа е интерната студија SLX, изработена како дрвен модел во природна големина во пролетта 1966 година. Минуваат три години додека и јавноста го види автомобилот, во форма на Mercedes C 111. Дизајнерските легенди Бруно Сако и Јозеф Галицендерфер подоцна го користат ова екстремно возило како стилска основа за новите сериски модели на Mercedes.

New photo by Automedia MK / Google Photos

Mercedes C 111 првпат се појавува во јавноста на салонот во Франкфурт во септември 1969 година, како експериментално возило. Каросеријата со клинеста форма е изработена од фиберглас, има крилести врати и лакирана е во металик портокалова боја. Подеднакво е спектакуларен и компактниот ванкел мотор со три ротори и моќност од 280 КС при 7.000 вртежи, кој овозможува крајна брзина од 260 km/h и забрзување до темпо сто за 5 секунди.

New photo by Automedia MK / Google Photos

Ново поглавје следи само половина година подоцна, кога на салонот во Женева, во март 1970 година, доживува премиера преработената верзија C 111-II. Ванкел моторот добива уште еден ротор, со што моќноста расте на 350 КС, а крајната брзина се поместува на 300 km/h. Промени претрпува и дизајнот. Голем број ентузијасти и колекционери нудат бланко чекови, но автомобилот не се пушта во сериско производство. Престанува и развојот на ванкел моторите во Штутгарт.

New photo by Automedia MK / Google Photos

Едно од шесте возила за салонот во Женева се користи за поставување рекорди со дизел мотор. Во C 111 се вградува модифицирана изведба на петцилиндарскиот дизел од три литри од стандардната понуда на Mercedes, со турбонатполнење и 190 КС. За да се постигне врвна аеродинамичност, отстранети се ретровизорите и преклопливите светла. Во јуни 1976 година, C 111-II D вози 64 часови на познатата патека Нардо во јужна Италија. Поставени се 16 светски рекорди, просечната брзина е над 250 km/h.

New photo by Automedia MK / Google Photos

Во 1978 година, техничарите на Mercedes ја развиваат следната верзија, уште посилна и побрза. Освен на зголемнувањето на моќноста на моторот на 230 КС, се работи интензивно и на усовршување на аеродинамичноста. Продолжено е меѓускиното растојание, а каросеријата постигнува сензационално низок коефициент на аеродинамичност cW 0,183. Во април, Mercedes C 111-III поставува девет брзински рекорди, повторно на Нардо. Просечната брзина на растојание од 500 километри изнесува 321,9 km/h.

New photo by Automedia MK / Google Photos

Четвртото поглавје е во 1979 година, со цел да се собори рекордот од 356 km/h на кружна патека, кој е поставен во 1975 година. Како основа послужи еден од двата изработени примероци од C 111-III, кој добива нов преден дел и две странични перки назад, место една. Последнава мерка има за цел да се подобри стабилноста при екстремно високите брзини. Моторот е 4,8 литарски V8 со 500 КС и битурбо натполнење, изведен од 4,5-литарскиот мотор од S-Class и SL. Рекордното возење се одвива во мај, на истото место, на италијанската високобрзинска патека Нардо. Рекордот: 403,978 km/h.

New photo by Automedia MK / Google Photos

Сите шест возила од серијата ќе може да се погледнат во живо на познатиот салон за олдтајмери Техно Класика во Есен, Германија, заедно со уште голем број моделски легенди под знакот на Mercedes.

New photo by Automedia MK / Google Photos

Mercedes започна изградба на фабрика за батерии

Хамбург нарача 16 електрични автобуси Mercedes eCitaro

Освеженото годиште на Mercedes C-Class стартува од 33.990 евра

Mercedes E-Class започна со производство во Москва

 


Ти се допаѓа? Сподели со пријателите!

150
77 shares, 150 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *