146
91 shares, 146 points

Mercedes A-Class се покажа како вистински продажен шлагер. Моделската серија се состои од најразлични каросериски изведби, но оваа не постоеше досега: Класична лимузина на база на A-Class, долга речиси колку C-Class, а со значајна ценовна предност што може на многумина да им го одвлече вниманието во марката со сребрената ѕвезда.

Кој може да ги изброи сите каросериски изведби на актуелната генерација на Mercedes A-Class, а да не пропушти ниту една? Комбилимузина со пет врати и „вистинска“ A-Class, семеен ван B-Class, стилска купе-лимузина CLA и нејзина изведба како спортско комби CLA Shooting Brake, кросовер со ознака GLA и комплетно нова верзија во стил на G-Class, којашто веројатно ќе се води како GLB…

New photo by Automedia MK / Google Photos

Двата последни модели уште ја чекаат својата светска премиера, а трите модели наброени пред нив (CLA, CLA Shooring Brake, B-Class), сцената ги познава и ги цени како дело на нашиот дизајнер во Mercedes, маестро Славче Таневски. Но, постои уште една каросериска изведба, која досега не беше понудена во гамата на најмалиот модел со трикраката ѕвезда, A-Class Sedan. Постои каросериска изведба и од неа, со продолжено меѓуоскино растојание и ознака A-Class Sedan L, наменета само за Кина и мошне популарна таму.

Со должина од 4,55 метри и багажник од 420 литри, лимузинскиот A-Class ги напушта рамките на компакт класата

Посета на салонот на Мак Аутостар деновиве ќе го донесе тоа ново познанство, со лимузинската изведба на A-Class. Каросеријата е идентична со обичната верзија на компактот до задните врати, по што следи важната разлика за нашиот пазар, каде што лимузината традиционално се почитува пред останатите каросериски форми.

New photo by Automedia MK / Google Photos

Дизајнот меко преоѓа во багажникот со зафатнина од 420 литри и со можност за соборување на задната клупа, во случај да се пренесуваат подолги предмети. Издолжувањето на опашот за 15 сантиметри убаво го заокружува стилот на A-Class, а од тоа користи и аеродинамичноста. Коефициентот 0,22 е апсолутен светски рекорд во компакт класата. Истата вредност ја постигнува и CLA.

Моментно се достапни само изведбите со менувач со двојна спојка

Под хаубата работат истите мотори како во верзијата на A-Class со пет врати. Понудата од погонски единици моментно ја сочинуваат бензинскиот A 200 Sedan, со новиот 1,33-литарски турбо со 163 КС, во комбинација со 7-степен менувач со двојна спојка, и моделот со дизел мотор A 180 d Sedan, каде што работи познатиот 1,5-литарец со 116 КС, исто така во комбинација со 7G-DCT.

New photo by Automedia MK / Google Photos

Подоцна, гамата на лимузината ќе ја дополнат A 180 Sedan со верзија на 1,33-литарецот со 136 КС и цена од 27.990 евра, изведба на A 200 со мануелен менувач, потоа А 220 Sedan, кој стандардно поседува 7-степен менувач со двојна спојка и вози со 190 КС, додека врвот ќе му припадне на A 250 со турбо-дволитарецот од A 220, но со моќност зголемена на 224 КС. Последниве две изведби може да се нарачаат и со погон на сите тркала 4Matic.

Димензии на Mercedes A-Class Sedan:
  • Должина / ширина / висина: 4549 / 1796 / 1446 mm
  • Меѓуоскино растојание: 2729 mm
  • Зафатнина на багажник: 420 литри
  • Висина на таван напред / назад: 1024 / 944 mm
  • Должина на простор за нозе напред / назад: 1062 / 861 mm
New photo by Automedia MK / Google Photos

По пример на A-Class, може да се доплати за новиот систем за говорни команди MBUX, за кого сцената уште се сеќава од промоцијата со Викторија Лоба во Сити Мол, исто како и од видеото што беше снимено по тој повод. Напредните системи за асистенција исто така се достапни во лимузинската варијанта на A-Class.

Македонските цени за Mercedes A-Class Sedan
  • A 180 Sedan · 27.990,- евра
  • A 200 Sedan · 30.500,- евра
  • A 220 7G Sedan · 35.000,- евра
  • A 220 4M 7G Sedan · 37.990,- евра
  • A 250 7G Sedan · 37.890,- евра
  • A 250 4M 7G Sedan · 40.900,- евра
  • A 180 d 7G Sedan · 32.490,- евра
New photo by Automedia MK / Google Photos

Лимузинскиот Mercedes A-Class во Македонија стартува од 27.990 евра

Трета фабрика започнува со производство на Mercedes A-Class

Mercedes ги објави цените за основните верзии на A-Class

Викторија Лоба во реклама од А-Класа за Мерцедес

 

 


Ти се допаѓа? Сподели со пријателите!

146
91 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *