183
23 shares, 183 points

Mercedes е подготвен да се вклучи во производството на медицинска опрема. Со помош на 3D-печатачи може да се изработуваат деловите за опремата што итно е потребна поради пандемијата на корона.

Mercedes искажа подготвеност, со својот стручен персонал и со долгогодишното искуство во технологијата на 3D-печатење, да учествува во производството на медицинска опрема. Концернот Daimler е во постојан контакт со покраинската влада на Баден Виртемберг. „Нашите 3D-печатачи во секој случај ќе стојат на располагање.“

Автомобилската компанија од Штутгарт располага со тридецениско искуство во истражувањето и примената на таканаречената адитивна изработка, односно 3D-печатење. Оваа технологија се користи при изработката на прототипи, како и при производство во мали серии.

Mercedes со своите 3D-печатари годишно изработува до 150.000 делови од пластика и метал. Овој капацитет сега стои на располагање во целост. Може да се користат сите тековни постапки на тридимензионалното печатање, од стереолитографија (SLA) преку Selective Laser Sintering (SLS) und Fused Deposition Modelling (FDM) до печатење метал, односно Selective Laser Melting (SLM).

При адитивната изработка, елементи што се конструирани по дигитален пат, се изработуваат слој по слој во „печатар“. Како појдовен материјал стојат на располагање пластика и метал во прав или смоли. Овој материјал се топи под дејство на извор на енергија, обично еден или повеќе ласери. Откако ќе се изработи еден слој, автоматски се нанесува следниот. Тоа се повторува сé додека делот не се изработи целосно.

На следното видео може да се погледне како изгледа 3D-изработката:


Ти се допаѓа? Сподели со пријателите!

183
23 shares, 183 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *