Во споредба со ланскиот март, Mercedes продаде за 13 проценти повеќе возила во првиот пролетен месец од годинава, односно 158.523 возила. Три месеци продажбата бележи двоцифрен раст.
Никогаш досега Mercedes не продал повеќе возила во историјата отколку во овој март. Вкупно 158.523 возила се испорачани на клиентите, што претставува плус од 13,3 проценти. Покрај тоа, марката со ѕвездата постигна и најдобра историска продажба во прв квартал (+15,2 проценти), со 374.276 возила. За следниот период се очекува уште поголем раст, откако пред само неколку седмици стартуваше продажбата на новата класа С и на компактниот теренец GLA.
Во Европа се продадоа 76.587 возила на Mercedes, со најголем раст во продажбата во Велика Британија (+19,8%). Покрај тоа, со продадени 25.544 возила, Mercedes повторно е лидер во премиум сегментот на германскиот пазар, пред BMW и Audi. Во САД се испорачани 27.401 возило, при што во зголемувањето од 11,2 проценти најмногу учествува престижната класа Ѕ. Огромен плус од 34 проценти постигна и продажбата во Кина (24.937 возила), со најголем интерес за продолжената верзија на класата Е од локална продукција. Јапонскиот пазар исто така реагира позитивно, со 17.807 возила (+50,3%) – Mercedes и таму е лидер во премиум сегментот.
Продажба по модели во прв квартал од 2014
Класа A, B, CLA, GLA, C и др. | 206.566 возила |
Класа Е | 62.169 возила (+38%) |
Класа Ѕ | 24.144 возила (+100%) |
GLK, ML, GL, G | 81.397 возила (+9,6%) |