за

Mercedes меѓу радио станиците

Mercedes може да се вози, а отсега може и да се слуша на радио. Марката со ѕвездата отвори дигитална радио станица со 24-часовно емитување и на англиски јазик.

Радиото на Mercedes може да се слуша преку апликација за таблет и мобилен телефон, преку вебплејер, и секако, преку мултимедискиот систем Comand Online што е достапен како дополнителна опрема во моделите на Mercedes. Програмата на Mercedes-Benz Radio вклучува редакциски прилози, добра музика и содржински соработки со избрани партнери. Во прилозите се претставуваат новите возила и студиите од сите моделски серии, има и директни репортажи од настаните на кои што е присутна марката. Покрај тоа се обработуваат и теми од туризмот, културата, спортот, модата и животниот стил.

Уредниците на програмата се потрудиле да ја зголемат привлечноста на радио станицата и како што можевме и лично да се увериме во неколкуте часови, програмата е ослободена од рекламниот карактер што обично ги следи сличните радио станици на автомобилските марки.

Повеќе детали за програмата на http://www.mercedes-benz-radio.com/

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Седум први места за квалитетот на возилата на Toyota

Шефот потврди: Теренецот од Rolls Royce доаѓа наскоро