111
16 shares, 111 points

Иновациите го движат светот на автомобилите. Тоа важи и за начинот на пристапување до клиентите. Mercedes отвори авто салон во когошто автомобилите се споредна работа.

Иако во последниве години воопшто не им недостигаат, во Mercedes не сакаат повеќе да чекаат клиентите да дојдат во нивните салони и се решија да применат нова тактика. Место клиентите да доаѓаат кај нив, Mercedes оди кај клиентите. Со цел да воспостават реален контакт со потенцијалните купувачи, Швабите измислија еден вид на бистро-бар-лаунџ-автосалон.

Првиот ваков салон е отворен на ексклузивна локација во Хамбург и го носи името Mercedes Me. Во објектот со површина од 550 метри квадратни нема ниту еден автомобил – барем навидум. Веднаш по влезот се пристапува во ресторанскиот дел со стилски дотерани маси, столици и светилки, по што следува долг бар со витрини за колачи, салати и храна. Уште малку повнатре следуваат скалила за пристапување до лаунџ делот, со ротирачки фотелји за ниско залегнување и лулашка. Последниот дел е сепаре, одвоено со стаклени ѕидови, со огромен екран на ѕидот и неколку маси и столици. Преку екранот може да се конфигурира автомобил по желба, а за поверодостојно упатување во изборот стојат на располагање мустри од лак, кожа и штоф во посебни фиоки што се впуштени во ѕидовите.

Идејата не е да се продаваат автомобили, туку да се допре до клиентите, да се побудат нивните емоции и да се оттргнат евентуалните предрасуди за марката, односно Mercedesда се зближи со клиентите. За тоа може одлично да послужи и парче торта од јагоди со шлаг. Секако дека никој нема да се побуни ако гостинот реши по десертот да седне на конфигураторот и да се распрашува за автомобилите, па евентуално и да направи нарачка. Нема проблем да се направи и за пробно возење. На паркиралиштето во близина секогаш се наоѓаат пет пробни возила, со полн резервоар и спремни за возење. Секој знае дека кафе и торта не се доволни за еден локал да функционира. Затоа, секој месец ќе се организираат посебни настани, изложби, концерти, трибини.

Од 1995 година се отворени 20 вакви локали на Mercedesи сите работат солидно. Локалот во Берлин, на престижната локација „Унтер ден Линден“, во последните четири години го посетиле 1,7 милион гости. Овој и останатите локали на ексклузивни места во строгите градски центри набрзо ќе се преуредат по примерот на Mercedes Me, а до 2020 година ќе се отворат уште 20 нови.


Ти се допаѓа? Сподели со пријателите!

111
16 shares, 111 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743