Автоматски менувачи на ZF дел од дизел скандалот

Државното обвинителство во Штутгарт го проверува софтверот за контрола на автоматските менувачи на добавувачот ZF. Постои сомневање дека софтверот содржи стратегии што можат да влијаат врз потрошувачката на гориво на емисијата на штетни материи.

Продолжуваат истрагите во Германија околу дизел скандалот, но овојпат тие се прошируваат и кај добавувачите. Во државното обвинителство во Штутгарт започна проверка, дали контролниот софтвер за автоматските менувачи на ZF содржи стратегии, коишто можат да влијаат врз мерењата на потрошувачката на гориво и емисијата на штетни материи.

Станува збор за проверка, а не за истражна постапка. Таа ќе се поведе во случај ако се покаже какво било сомневање околу случајот. Од Обвинителството не соопштуваат во кои модели на автомобили е користен софтверот.