163
23 shares, 163 points

Бензинецот без свеќички и исклучувањето на цилиндрите се недоволни за Mazda да го задржи чекорот со светскиот пазар, Toyota од друга страна е премногу горда на својот хибриден погон и заостанува во електрификацијата на моделската понуда, иако може да го постигне тоа буквално преку ноќ. Партнерството меѓу двете компании конечно ќе ги впушти во трката во којашто недостигаат овие големи имиња на автомобилската сцена.

Јапонските производители на автомобили Toyota и Mazda, заедно со вториот најголем добавувач во светот Denso, денес потпишаа договор за заеднички развој на основни компоненти за возила со електричен погон. Трите компании за таа цел основаат нова компанија со име EV C.A. Spirit Co. Ltd., којашто ќе ангажира избрани инженери од секоја компанија посебно да работат во проектот за развој на заеднички компоненти за електрични возила.

Како што најголемиот автомобилски пазар во светот, Кина, најавува дека ќе ги обврзе локалните производители на автомобили, одредена квота од својата продукција да ја постигнуваат со електрични автомобили, и како што повеќе европски земји не само што планираат, туку веќе и имаат воведено забрана за дизелите, така на производителите им останува сé помалку простор за одлагање на електрификацијата на своите моделски понуди. Во исто време, покривањето на сите пазари во светот и на сите сегменти возила, бара огромни инвестиции и време. Тоа не значи друго освен нов бран здружувања и соработки.

Заедничкиот развој нема да води кон тоа моделите на Toyota и Mazda да се разликуваат само во амблемот

Mazda, Toyota и Denso заеднички ќе развиваат основни структурни технологии за електрични возила, со коишто ќе се покријат колку е можно повеќе сегменти и категории на возила. Договорот предвидува развој на техника за широк дијапазон на модели, почнувајќи од малечки автомобили до теренци и лесни товарни возила. Секој партнер ќе даде придонес со својата најсилна страна. Mazda е силна во развојот базиран врз компјутерско моделирање, Denso ги става на располагање своите електронски технологии, додека Toyota ја обезбедува основата – платформата TNGA (Toyota New Global Architecture).

Како што наведуваат компаниите, заедничкиот развој нема да води кон тоа моделите на Toyota и Mazda да се разликуваат само во „беџот“, туку ќе се настојува возилата да го задржат идентитетот на сопствената марка.

Бизнис-структурата е отворена за учество од страна на останатите производители на автомобили и добавувачи. Седиштето на EV C.A. Spirit се наоѓа во Накамура, Нагоја. Toyota учествува со 90% во компанијата со инвестициски капитал од 10 милиони јени, Mazda и Denso со по пет проценти.


Ти се допаѓа? Сподели со пријателите!

163
23 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format