146
21 shares, 146 points

Само неколку денови по премиерата во Хановер пристига и првиот голем клиент за електричниот транспортер. MAN e-TGE ќе оди во служба на претпријатието за градски превоз во Берлин

Електричниот транспортер MAN e-TGE 4.140 штотуку ја доживеа својата светска премиера на салонот за товарни возила во Хановер. Се јавија и првите клиенти. Нарачката за четири примероци од електричното комбе пристигна од претпријатието за градски превоз во германската престолнина Берлин, кадешто тоа веројатно ќе се користи како сервисно возило. Фургонот со дозволена вкупна тежина од 3,5 тони постигнува досег до 160 километри, а носивоста изнесува еден тон.

volkswagen e-crafter start
MAN e-TGE е идентичен со Volkswagen e-Crafter, но се повикува на екстра-услугите што ги има марката како специјалист за товарни возила

При користење на полнач со моќност од 7,2 киловати, батеријата се полни за 5,5 часови. Процедурата се скусува значително при користење на брз полнач со CCS-приклучок и моќност од 40 киловати: Во тој случај, чекањето за батеријата да се наполни до 80% трае околу 45 минути. Електромотор со 136 КС ја придвижува предната оска.

MAN e-TGE е идентичен со Volkswagen e-Crafter. Товарната марка повеќе ќе се издвојува од „конкурентот“ од сопствениот концерн со различната организација на логистиката и со пошироката понуда од услуги за клиентите.


Ти се допаѓа? Сподели со пријателите!

146
21 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *