Дарко Јаконов
Seat продаде повеќе од 5.000 примероци од електричниот тротинет откако започна продажбата во декември лани. Шпанскиот производител моментно работи на нова услуга за мобилност, којашто ќе им овозможи на жителите и туристите на Мадрид пристап до 530 електрични тротинети.
Партнер на Seat во овој проект е стартап-компанијата UFO. Планот е електро-тротинетот со целосна ознака „Seat eXS Kickscooter powered by Segway“ да им се понуди за користење на жителите на шпанската престолнина како дел од јавно достапен возен парк.
Корисниците ќе можат преку мобилна апликација да лоцираат каде се наоѓа најблискиот е-тротинет, по што како регистрирани корисници го „отклучуваат“ истиот преку својот мобилен телефон и на крајот го оставаат на место кадешто не пречи, додека следниот корисник не побара превоз. Тоа е брз и едноставен превоз, далеку од метежот и без какво било штетно влијание врз животната средина. Единствено не е бесплатно: Отклучувањето чини 1 евро, секојоа минута користење се наплаќа 15 евроценти преку мобилната апликација.
Услугата позната како Kicksharing наидува на растечка популарност во светските метрополи
Електричниот тротинет eXS е прв производ на Seat што е наменет за таканаречената микромобилност, односно претставува дополнување на јавниот превоз во градовите. Станува збор за „last mile“ превоз, односно за превозно средство што се користи, на пример, од станиците на метрото, до крајното одредиште, како работно место или можеби кафуле.
Во Скопје исто така мошне често се среќаваат електрични тротинети. Во тој поглед држиме чекор со трендовите на мобилноста, меѓутоа навиката за користење автомобил на куси релации останува.
Мадрид со 500 електрични возила за изнајмување
Мадридското такси доби 110 електрични возила Nissan Leaf
Мадрид ќе добие 82 автобуса Mercedes-Benz со погон на метан
Мадрид е 31-от град со евтината шема за изнајмување возила Car2go
