за

Lotus во потрага по првиот автомобил на основачот Колин Чепмен

Lotus Mark I 1948

Lotus го бара првиот автомобил когошто Колин Чепмен го изработил уште во 1948 година. Британската марка годинава го одбележува 70-от јубилеј

Во годината во којашто го одбележува 70-от јубилеј, Lotus ги замолува своите фанови да се впуштат по потрага по првиот автомобил, когошто основачот и поранешен тркач Колин Чепмен го изработил во 1948 година. Младиот инженер рачно го изработил малечкиот автомобил во гаража во Лондон, кој бил наменет за родителите на неговата девојка и подоцнежна сопруга. Неколку технички решенија биле мошне иновативни за тоа време.

Техничката документација за Lotus Mark I е достапна во целост, меѓутоа непозната е судбината на самиот автомобил. Чепмен со помош на еден пријател, во 1948 година почнал да учествува на автомобилски трки. Тоа му донело вредни искуства за конструирањето и изработката на Mark II. Првиот автомобил бил продаден во ноември 1950. Од тој момент се губи секаква трага на овој автомобил со историски непроценлива вредност.

Синот Клајв Чепмен: „Mark I е светиот грал во историјата на Lotus“

Во потрагата по Mark I учествува и Клајв Чепмен, син на основачот Колин Чепмен и директор на Lotus Team Classic. „Mark I е светиот грал во историјата на Lotus“, кажува Клајв. Тој ги замолува сите Британци да го бараат првиот Lotus во гаражите и шупите. Можно е дека автомобилот го напуштил островот.

Lotus Mark I 1948_1

Познавачите на автомобилската сцена во целата оваа акција препознаваат кампања со добро познат исход, за „случајното“ пронаоѓање на историскиот Lotus да биде круна во одбележувањето на 70-годишнината на британската марка.

Куса историја од 0 до 100.000-от автомобил на Lotus

Таа е Елиза Артиоли и автомобил го носи нејзиното име

Теренецот на Lotus ќе биде најлесен во сегментот

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

фолксваген буба, волтајмер нас

Бубата не заминува: Ќе вози и на струја

jaguar XE 300 Sport rekord Charade

Кој за што, Jaguar за рекорди