137
23 shares, 137 points

Во историјата на автомобилските марки секогаш има по некое ново поглавје. За јубилејот на Lotus, сцената се присетува дека една млада девојка пред 70 години му зајмила 50 фунти на својот дечко, за тој да ја регистрира фирмата. Lotus годинава го произведе 100.000-от автомобил

Годинава и Lotus го одбележува 70-от јубилеј од основањето на марката, покрај својот врсник Porsche. Овој важен историски момент доби дополнителна тежина со тоа што се поклопи со производството на стоилјадитиот автомобил со знакот на Lotus. Одобрението за јубилејниот примерок да оди во продажба го даде една госпоѓа, за која што само малкумина знаат колку е значајна за марката, поточно за нејзиното основање. Тоа е Хејзел Чепмен, вдовицата на основачот Колин Чепмен.

Стоилјадитиот Lotus потекнува од специјалната серија од Evora GT410 Sport, со името на тркачката легенда Џим Кларк. Бескомпромисното спортско купе е изработено рачно на местото од кадешто почна да се создава историјата на британската марка.

Lotus Evora GT410 Jim Clark

Во придружба на синот Клајв, Хејзел Чепмен коментираше при првата средба со Lotus со број 100.000: „Пред 70 години не помислував дека ќе постојат 100.000 примероци од Lotus. Бескрајносум горда на компанијата и на наследството на Колин. Lotus уште произведува фантастични спортски автомобили и трогната сум што го гледам 100.000-от автомобил.“

Колин Чепмен го изработи својот прв тркачки автомобил во 1948 година, потпирајќи се на сопствените теории за подобрување на перформансите. Четири години подоцна е основан Lotus Engineering. Сер Чепмен менува од корен неколку закоравени правила во тоа време и пронаоѓа нови начини за автомобилите да ги направи побрзи и поуправливи. Тие принципи опстојуваат и денес, по 70 години.

Госпоѓа Хејзел е првиот инвеститор во Lotus, зајмувајќи му 50 фунти на својот „дечко“

Хејзел Чепмен има голема заслуга за постоењето на Lotus. Пред 70 години, таа му зајмува 50 фунти на својот дечко, за тој да го регистрира Lotus Engineering – со седиште во гаражата на нејзините родители, во предградие на Лондон. Колин Чепмен врши неколку важни преправки на тогашниот Austin Seven и со тоа го комплетира првиот автомобил на Lotus, Mark I. Хејзел му помага на Колин да го состави возилото, па дури и седнува на совозачкото седиште, кога Mark I ги постигнува првите две победи на трка во својата класа.

Дамата што во овие денови го виде стоилјадитото поглавје на историјата на Lotus, на времето работела дури и на проектирањето и дизајнирањето на сегашното седиште на Lotus во Хетел, коешто тогаш е напуштена аеро-база.

Колин Чепмен загинува на трка во Хокенхајм, Германија, во 1968 година. Славеничкиот Evora GT410 Sport се појави годинава пред публиката на фестивалот во Гудвуд, во „дворот“ на лорд Марч, со истата комбинација на бои на каросеријата како кај оригиналниот Lotus Elan на Џим Кларк. Овој британски возач освои две шампионски титули во формула 1, во 1963 и 1965 година.

Lotus Evora GT410 Sport тежи „сув“ 1.256 килограми, вози со 3,5-литарски V6 со механички компресор, со 410 КС при 7.000/min и 420 њутнметри при 3.500 вртежи во минута. Спринтот до 60 милји на час или 96 km/h трае 3,9 секунди. Менувачот е мануелен, на задната оска дејствува торсен-диференцијал со механичка блокада.

Куса историја. И видео што кажува многу.

Теренецот на Lotus ќе биде најлесен во сегментот

Lotus Exige Cup 430 во нелимитирано издание

Lotus постигна фантастична продажба – и конечно профит


Ти се допаѓа? Сподели со пријателите!

137
23 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743