Нови модели

Lotus со лесна нога: Ексклузивна серија Exige 360 Cup

Британската спортска марка бара 63.000 фунти, односно 88.700 евра за Exige 360 Cup, од кого ќе се изработат само 50 примероци. Ексклузивниот модел располага со 376 КС, односно нуди 10 КС повеќе од основниот модел Exige V6 Cup, а оваа моќност мора да се справува со само 1.130 килограми. Во кабината владее атмосфера својствена за тркачки автомобил, сведено на минимум. Предниот спојлер со агресивен дизајн, големите отвори за воздух напред, впечатливиот заден спојлер и дифузорот ставаат јасно на знаење дека Exige 360 Cup е на пат до најблиската тркачка патека.

На трка се од корист рамниот под што не го попречува струењето на воздухот, како и контрола на лансирање, за ракетен старт на компактниот болид. Спортските пружини се оптимирани за тркачки патеки и се дотеруваат во два степена, додека за амортизерите има четири можности за избор: нормален, спортски и тркачки степен, и исклучено. Со доплата може да се добијат лесни седишта од карбон, поместлив заштитен лак при превртување, противпожарен апарат, централен прекинувач за исклучување, како и отстранлив волан. Тие што сакаат барем малку повеќе комфор, имаат на избор алкантара во кабината или клима уред.

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729