177
27 shares, 177 points

Лондон Моторшоу им нуди можност на возачите што особено се гордеат на своите автомобили да ги прикажат истите на специјален штанд пред публиката на салонот. Гласови на социјалните мрежи ќе решаваат за десетмината најсреќни сопственици што ќе имаат „свој“ штанд.

Од Англичаните секогаш може да се очекува нешто оригинално. Организаторите на салонот на автомобили во Лондон им нудат можност на сопствениците што ценат дека нивните автомобили се нешто особено, да ги изложат своите миленици пред публиката на салонот. Лондон Моторшоу годинава се одржува меѓу 16-ти и 19-ти мај.

Десетмина возачи што на социјалните мрежи ќе добијат најмногу гласови за своите автомобили, ќе можат да ги прикажат своите олдтајмери или тјунирани возила пред публиката. Покрај честа да бидат „изложувачи“ на салонот, нив им следат и по три бесплатни влезници. Познатите тв-лица Мајк Бруер, Тим Шо и Фаз Таунзенд ќе ги оценуваат автомобилите и соодветно ќе го прогласат „Автомобилот на шоуто“.

Возачите на грижливо чувани и преработени возила ќе се најдат рамо до рамо со најголемите светски производители

Сите што ценат дека нивниот автомобил може да победи во гласањето, како што е вообичаено денес, треба да објават фотографија од возилото на фејсбук, обележана со #londonmotorshow. Бидејќи организаторот не наведува дека и транспортот на возилото е вклучен во „наградата“, натпреварот се сведува во национални рамки. Но, ваквите идеи обично поттикнуваат други идеи.

https://thelondonmotorshow.co.uk/

 


Ти се допаѓа? Сподели со пријателите!

177
27 shares, 177 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *