152
20 shares, 152 points

Производителот London EV за минатиот месец пријави продадени 352 примероци од електричната изведба на прочуеното лондонско такси. Од пазарниот старт во почетокот на 2018 година, компанијата има продадено повеќе од 3.000 примероци во Велика Британија и во Европа од најпрепознативото такси возило во светот.

Најголемиот број возила секако дека сообраќаат на територијата на Лондон, но такси-возилата на LEVC, инаку компанија во сопственост на кинескиот Geely, заедно со Volvo, Lotus и др, се возат и во повеќе од 20 градови во земјата: Бирмингем, Ковентри, Манчестер, Глазгов и Единбург. Примероци од возилото што се води под официјалната ознака TX се испорачани и во Германија, Норвешка, Холандија, Франција, Шведска, Хонг Конг и Малезија.

Моментно се гради централа што ќе биде надлежна за целиот европски пазар, лоцирана во Франкфурт, Германија. LEVC очекува до 2022 година, повеќе од две третини од продукцијата во фабриката во Коветри да заминат за извозните пазари, додека преостанатите триесетина проценти ќе се испорачаат на домашниот пазар. Планот е до 2024 година, TX и останатите возила со погон на струја да возат во сите светски метрополи.

Франкфурт ќе стане втор дом на лондонското електрично такси


Ти се допаѓа? Сподели со пријателите!

152
20 shares, 152 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *