136
42 shares, 136 points

Престижната марка на Toyota има уште една нова технологија за гордеење, а тоа не е ниту во погонот ниту во интелигентните системи. Оваа сина боја на Lexus LC не е обична сина боја, туку е производ на нова технологија што создава единствен ефект.

Неверојатно со што сé може да се занимаваат експертите во Lexus да го оправдаат премиум имиџот на својата марка. Специјален тим ја проучуваше структурата на крилата на сините морфо пеперутки со цел истиот ефект да го постигнат во автомобилскиот лак. Новата боја се нарекува структурно сина и се одликува со подлабок, понтензивен и „повеќе син“ од што било досега.

Дури и лимитирана серија Lexus LC Structural Blue за промоција на новата боја

Lexus ја искористи бојата уште на салонот во Женева во 2016 година, за дополнително да го привлече вниманието кон новото луксузно купе LC. Структурно сината боја сега може да се нарача кај LC. По овој повод е пуштена и лимитирана серија LC Structural Blue Edition.

Во почетокот, тимот можел да го постигне ефектот на пеперутката од американските континенти единствено при нанесување на пигментот во 40 слоеви. Подоцна, овој број е смален на седум, што веќе е изводливо во производството на ексклузивни модели.

За изработка на пигментот се потребни осум месеци, 12 производствени процеси и 20 проверки на квалитетот. Конечниот слој пигмент, меѓу основната боја и завршниот проѕирен лак, има дебелина од само 15 микрометри. Нано-честичките се тие што создаваат ефект на боја што постојано се менува според светлината. Наспроти обичните пигменти со рефлексија од 50%, структурната сина постигнува речиси 100%. Lexus LC носи 300 грама пигмент, со вкупно 300 милијарди честички пигмент. Поради екстремно сложената постапка, само по две возила со структурна сина боја може да се изработуваат на ден во фабриката во Мотомачи. За една година, тоа би биле околу 500 возила. Тоа е двојна ексклузивност.


Ти се допаѓа? Сподели со пријателите!

136
42 shares, 136 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *