Возењето по тешко пристапен терен ќе биде поедноставно со новата технологија на Land Rover. Камери во носот на возилото му проектираат на возачот што се случува со тркалата.
Британците ја прават премиерата на концептниот автомобил Land Rover Vision уште понеизвесна со најавата на технологијата на „проѕирна хауба“. Камерите што се вградени во маската ја проектираат сликата под возилото во видното поле на возачот, односно прават хаубата буквално да изгледа како да е проѕирна. Новата технологија го олеснува маневрирањето по тежок терен или минувањето преку поголеми пречки на патот, истовремено прикажувајќи ги аголот и позицијата на предните тркала.
Концептниот автомобил Discovery Vision ќе претстави уште неколку напредни технологии при премиерата на салонот во Њујорк на 16-ти април.