156
20 shares, 156 points

Верзија на суперспортскиот СУВ на Lamborghini со хибриден погон ќе биде претставена на преодот во следната декада. Додека Сант Агата пушти модел со погон само на батерија, сепак ќе мине уште долго време

За Lamborghini да понуди модел со погон што ја црпи силата само од енергијата во батериите, потребно е тој да исполни само два услови: Да биде побрз од 300 километри на час и да биде способен да извози три кругови на Нирбургринг со тркачко темпо. Првиот услов не би требало да е проблем за денешната техника, но вториот услов е сериозен предизвик на когошто мора уште да се работи.

Прашањето кога суперспортската марка од Сант Агата ќе пушти автомобил со погон на батерија почна да се поставува откако Lamborghini го претстави концептниот автомобил Terzo Millenio, приближно пред една година. Преку суперавтомобилот од „третиот милениум“ беше најавена соработката со супернаучничкиот тим на МИТ, славниот Технолошки институт на Масачусетс, во развој на батерија за суперспортски автомобили.

МИТ во 2019 година ќе ги комплетира истражувањата околу батериите за суперспортските автомобили

Истражувањата на ова поле се очекува да завршат во 2019 година, па дури потоа може да се очекуваат поконкретни планови како и датуми, кога евентуално би стартувал Lamborghini што ќе вози само на батерија. Во секој случај, додека се појави Aventador чијшто мерач на гориво ќе изгледа како лента за наполнетост на мобилен телефон, ќе минат барем уште неколку години.

Lamborghini Terzo Millennio

Наспроти тоа, сосем е извесно дека кон крајот на следната година, во гамата на Lamborghini Urus ќе се појави верзија со хибриден погон. Тоа не би требало да претставува проблем, затоа што техниката веќе масовно работи во Porsche. Спортската марка сестра од концернот наскоро ќе стартува и со електричниот Mission E, така што и погонот на батерија не би требало да е проблем за Lambo.

Но, главната пречка за марката со бикот да почне да вози на батерија е отсуството на звук и на вибрации од моторот. Според Фабрицио Реџани, главен техничар на Lamborghini, електромоторите не можат да ги произведат вибрациите и звукот што прават возењето на суперспортски автомобил да биде возбудливо доживување. Кај суперспоретските автомобили, сé е околу емоциите, додава Реџани.


Ти се допаѓа? Сподели со пријателите!

156
20 shares, 156 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743