151
28 shares, 151 points

Музејот на Lamborghini во Сант Агата Болоњезе доби нов изглед и стана Mudetec, Музеј на технологијата. Интерактивниот простор ги открива тајните на Lamborghini, ги прикажува важните иновации и перфекцијата што е неопходна да се произведе суперавтомобил од највисок ранг.

Новата поставка во музејот на Lamborghini ги носи посетителите во светот на иновациите, истражувањата и развојот кои сочинуваат голем дел од автомобилите на Lamborghini. Изложени се историски автомобилски икони, од типот на 350 GT, Miura, Countach и „рамбо-ламбо“ LM002, исто како и уникатни примероци со најсовремена технологија, од ковот на концептниот Asterion или Aventador Super Veloce Jota, кусо SVJ.

Технологиите што ги сочинуваат денешните модели од Сант Агата се карбонски материјали и „ковани композити“, во комбинација со активна аеропдинамика ALA, зад којашто всушност стои најнапредна електроника, или LDVI, вештачка интелигенција што го предвидува однесувањето на возилото и соодветно ги приспособува контролните системи.

Периодот на 1960-те го претставуваат 350 GT, првиот спортски автомобил на Lamborghini, или Miura, своевремено најбрзиот автомобил во светот, како и Espada, прв четирисед со моќен V12, но и со сиот замислив комфор во тоа време.

Countach прв ги воведе таканаречените „гилотина-врати“, LM002 беше супер-СУВ уште пред светот да го измисли поимот СУВ

Седумдесетите се ерата на Countach, со револуционерен дизајн и „гилотина-врати“. Следната декада му припаѓа на LM002, првиот теренец на Lambo и претходник на денешните СУВ-модели. Diablo GT ги претставува 1990-те години, како најбрз сериски автомобил во тоа време.

Новиот милениум го отвора Sesto Elemento, изработен целосно од карбон. Патувањето низ времето продолжѕува со хибридниот погон кај Asterion, со спомнатите системи ALA и LDVI. Секако не смеат да недостигаат Huracan Evo и Urus, првиот супер-СУВ во светот.

На симулаторот може виртуелно да се возат болидите на Lambo, а може да се договори и термин за посета на фабриката. Изложбата трае до 31-ви октомври.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

 


Ти се допаѓа? Сподели со пријателите!

151
28 shares, 151 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *