162
21 shares, 162 points

По 25 години откако беше произведен последниот примерок од легендарниот Lamborghini LM002, марката повторно ќе има супер-теренец во својата понуда, кој најверодостојно ќе го прикажува разбеснетиот бик во логото. На 4-ти декември во седиштето во СантАгата Болоњезе ќе биде претставен Urus, помалку радикален од својот претходник, но само навидум.

Италијанците нема да ја пропуштат пригодата да го оправдаат својот глас на спектакл-мајстори. Овој црн примерок од LM002 со број на шасија 12231, кој припаѓа на музејот на Lamborghini, сосем сигурно ќе ја придружува премиерата на Urus. „Рамбо-Ламбо“ е комплетно реставриран во сопственото одделение Lamborghini Polo Storico и доведен во подобра состојба отколку при напуштањето на фабричките хали.

Lamborghini LM002 е татко на денешните софт-теренци кои од него ги „научија“ само димензиите на каросеријата

Ова што најмалку прилега да се води како автомобил, а повеќе како машина за терминаторите, диктаторите и останатите светски ѕвезди, со право се смета како татко на денешните софт-теренци – кои ги имаат единствено истите димензии со Lamborghini LM002.

lamborghini lm002 04

Создаден заради учество на тендер на американската војска, супер бикот немаше најсреќни почетоци. Болоњезите извршија безброј преправки на оригиналниот концепт од крајот на 1970-те години и на светот му го подарија автомобилот што привлекуваше повеќе внимание и од самиот Countach. Lamborghini LM002 беше ѕвезда за ѕвездите, способен да вози насекаде и секогаш забележан.

Првиот развоен прототип имаше мотор назад, што не се покажа како најразумно решение за теренецот

Развојот на Lamborghini LM002 започна како проект за развој на возило со врвни својства при возење по терен, за воени потреби. Името на првиот автомобил што произлезе од оваа намера: Cheetah. Инженерот Џулио Алфиери го усоврши концептот и во 1981 година го прикажа LM 001. Како што е ред во Lambo, моторот беше назад. Тоа се покажа како лоша идеја, по што следеше уште една фаза од развојот. Прототипот LMA имаше мотор под предната хауба.

lamborghini lm002 02

Бруталниот теренец под ознаката LM002 се појави пред светот за првпат на салонот во Брисел во 1986 година. Колку што беше сензационален изгледот и концептот, уште поголема сензација беше потеклото на моторот. Дванаесетцилиндарецот пристигна директно од Countach Quattrovalvole, со работна зафатнина од 5.167 сантиметри кубни и со моќност од 450 КС при 6.800 вртежи во минута.

Крајната брзина на Lamborghini LM002 е над 200 km/h, спринт до сто за помалку од девет секунди

Со каросерија во комбинација од алуминиум и фиберглас, погон на сите тркала и три здрави диференцијали со механичка блокада, супертеренецот совладуваше нагорнини од над 50 степени. Покрај неоспорните теренски квалитети, Lamborghini LM002 се снаоѓаше и како „спортски автомобил“. Крајната брзина надминува 200 km/h, за спринт до сто се потребни помалку од девет секунди.

lamborghini lm002 01

Мала помош пристигна и од колегите од Pirelli. Тие развија специјални гуми Pirelli Scorpion, кои дозволуваа возилото да минува преку растресита подлога и да вози по екстремно жешка површина – по сахарски песок, на пример.

Точно 300 примероци се произведени, LM002 е мета на колекционерите

Каросериите се изработуваа во Булбао, Шпанија, од кадешто се испраќаа за Сант Агата, до завршната монтажа на возилото и испораката. Уште една карактеристика на LM002 којашто ги радуваше клиентите, но и производителот. Lambo го изработуваше ентериерот по нарачка на купувачот. Во периодот од 1986 до 1992 година беа произведени вкупно 300 примероци од „спортскиот теренец“.

Очекувањата од Urus се огромни. Платформата потекнува од Audi Q7 и Bentley Bentayga, под хаубата ќе работи четирилитарски V8 со 600 КС. Перформансите и возните својства ќе надминат кој било „СУВ“ досега, што го голем дел се должи и на примената на карбон за каросеријата.


Ти се допаѓа? Сподели со пријателите!

162
21 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743