149
20 shares, 149 points

Најголемиот собир на возачки на Harley-Davidson годинава ќе се одржува од 12-ти до 16-ти септември во германскиот град Хамбург. Дамите со големите мотоцикли се собираат по 25-ти пат.

Harley е многу повеќе од мотоцикл. За тоа посебно се грижи Harley Owners Group (H.O.G.), како најголемо светско здружение на сопственици што е подржано од производител на мотоцикл, но и Дамите на Harley или Ladies of Harley. Ова здружение е основано во 1996 година, посебно за дамите што возат Harley.

Европските дами досега се собираа 24 пати под раководство на шефицата Мери и дружењето секогаш минуваше со заедничко возење и забава каква што доликува на куќата. Годинава настанот ќе се одржува меѓу 12-ти и 16-ти септември во Хамбург. Сосем е јасно дека тоа повторно ќе биде најголем собир на возачки на мотоцикл во Европа.

Базниот камп на дамите е Холидеј Ин Хамбург, во северниот дел на пристанишниот град што многумина го споредуваат со Барселона на северот. Возачките ќе ги стартуваат V-Twin моторите на своите мотоциклии ќе направат неколку тури во регионот. Програмата предвидува и „Жежок агол“ (Heiße Ecke), како најуспешен мјузикл на германски јазик на сите времиња, со два милиони посетители досега. Потоа се оди во култниот бар „Cowboy und Indianer“.

New photo by Automedia MK / Google Photos

Следниот ден пак има музика, на „Тина“, како единствен мјузикл што го подржува Тина Тарнер. Пејачката Ана Ме Булок ќе се преправи во Тина, во кралицата на рокот, пеејќи наслови од нејзините скромни почетоци во Натбуш, Тенеси.

Во рамките на четиридневниот настан ќе има и посета на застапништвото на Harley во Хамбург Норд, коешто е меѓу најголемите во Германија.

 


Ти се допаѓа? Сподели со пријателите!

149
20 shares, 149 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *