за

Продукцијата во март и април покуса за 810.000 автомобили

Продукцијата во март и април покуса за 810.000 автомобили
Продукцијата во март и април покуса за 810.000 автомобили

Според магазинот „auto, motor und sport“, во март и април во Европа ќе се произведат 810.000 автомобили помалку од планираното. Лани на континентот биле произведени околу 15 милиони возила. Моментно мируваат близу 100 автомобилски фабрики и безброј погони на нивните добавувачи. Најмногу е погодена Германија, кадешто продукцијата ќе биде покуса за 249.000 возила.

По Германија, силно се погодени Шпанија, кадешто продукцијата во месеците март и април ќе се скуси за 140.000 возила, како и Франција (-90.000), Велика Британија (-54.600), Чешка (-51.000) и Италија (-41.300).

Доколку се гледа по одделните производители на автомобили со фабрики во Европа, францускиот PSA (Peugeot, Opel, Citroën, DS, Vauxhall) ќе мора да се соочи со најголем кусок во продукцијата, односно со минус 137.000 возила. Следи марката Volkswagen со кусок од 106.000 произведени возила. BMW во европските фабрики ќе произведе 98.000 помалку автомобили, по него се Renault-Nissan-Mitsubishi (-97.000), Daimler (-69.000), FCA (Fiat, Chrysler, Alfa Romeo, Jeep и други, -55.000), Ford (-54.000), како и марките на концернот Volkswagen – Skoda (-41.000), Seat (-39.000) и Audi (-28.000).

mercedes фабрика москва русија

Од јапонските производители со фабрики во Европа, најсилно ќе биде погодена Toyota со 35.000 возила помалку. Во Германија, на ниво на одделни марки, најголем пад во продукцијата ќе има кај BMW (-83.000 возила), а потоа следат марките VW (-68.000), Daimler (-47.000), Audi и Ford (по -21.000), Opel (-5.000) и Porsche (-4.000).

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volvo ја проширува понудата од модели со благ хибриден погон

Volvo ја проширува понудата од модели со благ хибриден погон

тест на летни гуми ауби евтини гуми

Евтините гуми сопираат три должини на автомобил подоцна