184
23 shares, 184 points

Кинескиот автомобилски пазар полека се враќа во нормала, откако земјата претрпе силен удар од пандемијата. По февруарскиот драстичен пад, негативата во март е смалена на 51%, со 60.000 продадени електрични автомобили.

Трендот на закрепнување на најголемиот пазар за автомобили и за електромобили во светот се очекува да продолжи и во следните месеци. Дури се претпоставува дека кон крајот на годината ќе почне да се бележи раст во споредба со лани.

Уделот на електричните автомобили, вклучувајќи ги плагин-хибридите, во март достигнал 5,7 проценти. Во првото тромесечие, електромобилите учествувале со 4,2 проценти во вкупниот пазар во Кина. Тоа е помалку од 5,5 проценти во истиот период лани, но станува збор за вонредни услови, кога земјата почувствува силни последици од пандемијата во почетокот од годината.

Возилата што користат само погон на струја учествуваат со 84% во вкупната продажба на електричните автомобили, остатокот им припаѓа на плагин-хибридите

На чисто електрични возила отпаѓаат 4,8 проценти, што покажува дека пазарот на возила на струја е јасно ориентиран кон „батериските“. Тие имале и помал пад во март, со -49 проценти, наспроти -58% кај плагин-хибридите.

Добар знак дека последниве имаат добри шанси да останат во игра е тоа што два од четири плагин-хибриди во Топ 20 имаат поголема батерија од конкуренцијата, а со тоа постигнуваат и со повисок досег на струја, пред да се вклучи моторот.

Прочитајте и>> Сеул дава по 13.500 евра за такси-компаниите да купат електромобил

 


Ти се допаѓа? Сподели со пријателите!

184
23 shares, 184 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *