за

Kia Stinger тестира на Нирбургринг, прашање е погонот

Фотографии од тестирањето на Kia Stinger со благо маскирана каросерија најавуваат скорешно моделско освежување на знаменосецот на марката. За поголеми стилски измени уште е рано, можно е гран-туризмо лимузината да добие хибриден погон.

Kia ја тестира освежената моделска генерација на Stinger на тркачката патека Нирбургринг. Вообичаено кога ќе се појават фотографиите од „карпараците“ (жаргонски од кар и папараци), сцената почнува да шпекулира околу измените со кои што ќе се појави новиот модел.

Уште е рано за гран-туризмото да претрпи какви било подрастични стилски промени, имајќи предвид дека моделот се појави пред само две години. Може да се очекува единствено нов дизајн на предните и задните светла, како и маската, верно на новиот стилски правец што дизајнерите на Kia го отпочнаа со K5 и со новата генерација на Sorento.

Внатре би требало да пристигнат неколку свежи системи од штотуку претставениот глобален СУВ-знаменосец Sorento, како и да се дополни арсеналот од системи за асистенција, кои напредуваат постојано.

Иако има различна погонска конфигурација, со надолжно вграден мотор и погон назад, во Stinger може да се користат погонските компоненти од плагин-хибридниот Niro

Најголемата неизвесност е што ќе се случи под хаубата? Сцената засега шпекулира дека дволтиарскиот турбо-бензинец и 2,2-литарскиот дизел ќе исчезнат од понудата на погонски единици, и единствено ќе остане 3,3-литарскиот твинтурбо V6. Но, при навраќање на неколку изјави од Алберт Бирман (развој на спортски модели) и Спенсер Чо (продукт маркетинг) при премиерата на Stinger, можно е под хаубата на освеженото моделско годиште да се очекува плагин-хибрид.

Таа можност е мошне извесна, имајќи предвид дека Kia мора да го почитува лимитот за СО2 на ЕУ. Дури, при похрабро прогнозирање, може да се типува и на чисто електрична варијанта на Stinger. Марката вложува многу во електричниот погон и веќе нуди два модели со погон само на струја, со најава за комплетно независен модел и техно-знаменосец што ќе вози на струја – во стилот на концептот Imagine by Kia.

Kia Imagine ќе стане вистински електромобил со 800V и 500 km досег

Kia Imagine ќе стане вистински електромобил со 800V и 500 km досег
Kia Imagine ќе стане вистински електромобил со 800V и 500 km досег

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

porsche taycan turbo s

Следниот Porsche Macan ќе се нуди во верзии на струја и на бензин

Бесмислено или генијално: Филтер за воздух за велосипедисти

Бесмислено или генијално: Филтер за воздух за велосипедисти