165
35 shares, 165 points

Kia Stinger победи во категоријата каде што обично се очекува модел од BMW или Jaguar. Британскиот магазин за спортски автомобили го убеди жирито со возните својства. Но, и перформансите на првата Kia со заден погон во Европа не се за потценување

Уште еден триумф на Kia Stinger, првиот модел со заден погон на корејската марка и воедно прв нејзин модел во престижната класа на спортски крстосувачи, во делот од пазарот кого што ентузиајстите го ценат како гран-туризмо класа. Награда пристига од влијателниот британски магазин Evo, кој е специјализиран за спортски автомобили и се обраќа на публика од автомобилски ентузијасти и возачи на такви модели.

Kia Stinger победи во категоријата на спортски лимузини во јубилејната дваесетта година на изборот на магазинот Evo. Шест врвни автомобилски експерти гласаа по еднонеделно споредбено тестирање на сите модели што се пласираа во финалето. Врвната моделска изведба ја носи ознаката GT S и располага со 3,3 литарски V6 со твин-турбо натполнење и моќност од 370 КС. Со осумстепен автоматски менувач, Stinger спринтува до сто за 4,9 секунди, побрзо од кој било друг модел на Kia досега.

Галагер за Kia Stinger: „Повеќе го ангажира и забавува возачот отколку конкуренцијата“

Стјуарт Галагер, уредник на Evo Magazine ја коментираше победата на Stinger: „Таа го ангажира и го забавува возачот повеќе од конкуренцијата и се издвојува со тоа што не е прв избор.“ Галагер очекува дека следниот модел ќе биде уште подобар, имајќи предвид дека „ова е прв обид на Kia да ја разбие формулата за брза лимузина.“

Kia Stinger е во редовна понуда и кај македонскиот увозник, со цена за стартниот модел од 37.990 евра. Спомнатата топ-изведба со 370 КС и врвна опременост чини 59.990 евра.

All-New Kia Stinger

Experience the thrill of the journey with the All-New Kia Stinger. #PowerToSurprise

Posted by Kia Motors UK on Tuesday, December 4, 2018

Kia Stinger: Корејско осило за светската елита

Тест: Kia Sportage 1.6 GDi Vision 2WD

Kia го лакира Sportage во специјална боја со стаклени честички

Во Словачка започна производството на новиот Kia Pro Ceed

 

 


Ти се допаѓа? Сподели со пријателите!

165
35 shares, 165 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *