Дарко Јаконов
Kia уште во првиот ден од ноември објави дека во минатиот месец продала 248.752 автомобили на светскиот пазар, што е незначително помалку од истиот месец лани, со 250.680 возила. Најпродаваниот модел најмалку е изненадување. Само од Sportage се продадоа 41.707 примероци во октомври.
На домашниот пазар, Kia испорачала 47.143 возила, односно за 2,3 проценти повеќе од истиот месец лани. Најпродаван модел во Јужна Кореја бил освежениот K7 (Cadenza) со 6.518 примероци, пред СУВ-моделот Seltos со 5.511 приимероци.
За извоз се испорачани 201.609 автомобили и тоа е за 1,5 процент помалку од ланскиот октомври. Најпродаван модел повторно е Sportage со 39.447 примероци, пред компактните лимузини K3 (Forte) и Rio (Pride), кои соодветно постигнале 23.833 и 23.659 продажби.
За следните месеци се очекува голем раст во продажбата, по лансирањето на K5 (Optima) на корејскиот пазар, што треба да се случи во декември. Од почетокот на следната година, оваа моделска серија ќе стартува со испорака и на уште неколку пазари, кадешто постои голем интерес за класични лимузини и комби-модели во средната класа.
Тест: Kia Sportage 1.6 GDi Vision 2WD
https://www.instagram.com/p/B4Tp7I0ByOB/
